mini|Kantjendjunga Kantjendjunga naturvernområde er eit landskapsvernområde i Himalaya nordaust i Nepal, i Taplejung distrikt. Verneområdet blei skipa i 1998 og dekkjer rundt 2 035 km². Det omfattar to av toppane til verdas tredje høgaste fjell, Kantjendjunga, og områda rundt. I nord grensar verneområdet mot det tibetanske verneområdet Qomolangma og i aust mot det indiske Khangchendzonga nasjonalpark i Sikkim.
mini|Solnedgang på Kantjendjunga. Bilde frå 1905. Planteliv Naturvernområdet er prega av subtropisk planteliv i høgfjellsområde relativt lågare åsar. Det har mykje rhododendronskog med 23 ulike identifiserte rhododendronartar. Elles finst einer, lerketre som Larix griffithiana, gran som Abies spectabilis, hemlokk som Tsuda dumosa og lengre ned lauvtre som eik, Castanopsis, Tetracentron, Magnolia campbellii, Osmanthus suavis og lønnetreet Acer campbellii.
Dyreliv Av pattedyr som lever i området kan nemnast snøleopard, leopardkatt, brillebjørn og raud panda. I 2012 blei ein leopardkatt filma med kamerafelle på 4500 meters høgd, det høgaste ein har observert dette kattedyret.WCN (2012). Leopard Cat found at 4500m . Wildlife Conservation Nepal.
Fuglar som finst i naturvernområdet er mellom anna tibethøne (Tetraogallus tibetanus), blodfasan (Ithaginis cruentus), gullfulvetta (Lioparus chrysotis) og alpekråke (Pyrrhocorax pyrrhocorax).
Kjelder *Kanchenjunga Conservation Area , forestrynepal.org
Bakgrunnsstoff Kart over Taplejung distrikt Kangchenjunga Conservation Area Project
Kategori:Miljø i Nepal Kategori:Himalaya Kategori:Skipingar i 1998