Bismuthinitt eller vismutglans er ein relativt sjeldan vismuterts, med blygrå til tinnkvit farge og metallisk glans. Mineralet består av vismut og svovel Bi2S3 og krystalliserer rombisk, isomorf med stibnitt (antimonglans). Det er den viktigaste vismutmalmen med førekomstar i Bolivia.
Det finst fleire stader i Noreg, mellom anna i kontaktsonene til Oslofeltet (Kjenner i Lier i Buskerud, no nedlagd gruvedrift), i ertsførekomstar i Telemark (Gjuv i Hjartdal, Bleka gullgruve i Svartdal), i granittpegmatittar (Evje og Iveland i Aust-Agder), i greisen (Thoreby i Varteig i Østfold) og på kvartsgangar (Sandøya i Hvaler i Østfold).
Kjelder Bismuthinitt. (14. februar 2009). I Store norske leksikon. Henta 13. februar 2014.
kategori:Vismutmineral kategori:Sulfidemineral kategori:Ortorombiske mineral