Anna Vladimirovna Tsjitsjerova () er ein russisk friidrettsutøvar som tevla i høgdehopp. Ho tok medalje i øvinga i samtlege seks friidretts-VM og sommar-OL i tida 2007-13, og vart verdsmeister i 2011 og olympisk meister i 2012. I 2016 vart ho frådømt medaljane ho tok i Sommar-OL 2008 og Friidretts-VM 2009.
Aktiv Tsjitsjerova deltok i sin fyrste store høgdefinale i VM i friidrett 2003 i Paris der ho vart nummer seks med 1,95 m. Same plasseringa fekk ho under OL 2004, medan ho kom på fjerdeplass i friidretts-VM 2005 i Helsingfors.
I 2007 vann Tsjitsjerova si fyrste store internasjonale medalje då ho under verdsmeisterskapen i Osaka svinga seg over 2,03 m og fekk sølv, delt med Antonietta Di Martino frå Italia, medan kroatiske Blanka Vlašić sigra med 2,05 m.
Også under Sommar-OL 2008 i Beijing klarde Tsjitsjerova 2,03 m, men her vart det bronse ettersom belgiske Tia Hellebaut og Vlašić tok gull og sølv med 2,05 m. Til liks med førre VM tok Vlašić gull og Tsjitsjerova sølv ved friidretts-VM 2009 i Berlin, på ny skilde det to cm; 2,04 m mot 2,02 m. Begge desse medaljane mista ho etter ein dopingdom i 2016.
Tjitsjrova sette personleg rekord med 2,07 m på 29-årsdagen under den russiske meisterskapen. I verdsmeisterskapen 2011 i Daegu kniva Vlašić og Tsjitsjerova nok ein gong om gullmedaljen. Begge tok seg over 2,03 m, men ingen over neste høgde. Dermed vart Tsjitsjerova verdsmeister då ho ikkje hadde riv i tevlinga før på 2,05 m, Vlašić måtte ha to forsøk både på 2 m og 2,03 m. Under sommarleikane i London 2012 var Tsjitsjerova den einaste som svinga seg over 2,05 m.
Tsjitsjerova stoppa med 1,97 m ved VM i friidrett 2013 i Moskva. Ho fekk likevel med seg ein bronsemedalje, saman med Ruth Beitia frå Spania. Landskvinna Svetlana Sjkolina sette personleg rekord med 2,03 m og vart verdsmeister.
Doping I 2016 vart Tsjitsjerova dømt for brot på dopingpreglane, basert på ein retest av ei prøve frå 2008. Resultata frå ein toårsperiode, 2008-10, vart underkjende.
Medaljar og plasseringar i internasjonale meisterskap VM 2003 i Paris: Nr 6 – 1,95 m OL 2004 i Aten: Nr 6 – 1,96 m VM 2005 i Helsinki: Nr 4 – 1,96 m EM 2006 i Göteborg: Nr 7 – 1,95 m VM 2007 i Osaka: Sølvmedalje 2,03, bakom Blanka Vlašić (2,05 m) OL 2008 i Beijing: Nr 3 – annullert i 2016 VM 2009 i Berlin: Nr 2 – annullert i 2016 VM 2011 i Daegu: Gullmedalje – 2,03 m, framom Blanka Vlašić (2,03 m) OL 2012 i London: Gullmedalje – 2,05 m, framom Brigetta Barrett (2,03 m) VM 2013 i Moskva: Sølvmedalje – 1,97 m VM 2015 i Beijing: Bronsemedalje – 2,01 m
Kjelder
Denne artikkelen bygger på «Anna Wladimirowna Tschitscherowa» frå , den 25. september 2014. World Athletics
Kategori:Russiske høgdehopparar Kategori:Olympiske meistrar for Russland Kategori:Russiske deltakarar under sommar-OL 2004 Kategori:Friidrettsutøvarar under sommar-OL 2004 Kategori:Russiske deltakarar under sommar-OL 2008 Kategori:Friidrettsutøvarar under sommar-OL 2008 Kategori:Medaljevinnarar under sommar-OL 2012 Kategori:Russiske deltakarar under sommar-OL 2012 Kategori:Friidrettsutøvarar under sommar-OL 2012 Kategori:Dopingsaker i friidrett Kategori:Folk frå Jerevan