International Federation of the Phonographic Industry (IFPI) er ein global organisasjon som representerer platebransjen. IFPI vart stifta i 1933 i Italia. I dag er IFPI registrert i Sveits og har hovudkontoret sitt i London.
Organisasjon IFPI representerer i dag 1450 plateselskap i 75 land, internasjonalt, regionalt og nasjonalt. Hovudkontoret, som ligg i London, koordinerer organisasjonen og arbeider internasjonalt innan område som juss, framføringsrettar og teknologi.
På eit regionalt plan er IFPI delt i tre organisasjonar som kvar representerer platebransjen i Asia, Europa og Latin-Amerika. Føderasjonen består òg av 32 nasjonale organisasjonar som representerer og arbeider for IFPI sine medlemmer på eit nasjonalt nivå. Organisasjonen samarbeider med ei rekkje andre organisasjonar i til saman 48 land, mellom anna RIAA.
Tenester IFPI tilbyr fleire tenester for medlemmane sine.
IFPI arbeider for å innføre og utvide opphavsretts- / copyright-lovgjevingar, både når det gjeld fysisk- og nettdistribusjon. Lobbying overfor lovgjevande forsamlingar, statlege regjeringar og internasjonale organisasjonar. Koordinering av eit internasjonalt arbeid mot piratkopiering. Markedsundersøkingar av platemarknaden og piratmarknaden. Informasjon og samfunnskontakt gjennom kampanjar og events. Utvikling av teknologiske metodar for å verne opphavsrett. Ressursar innan juss, handel og teknologi. Informasjon og nyhende.
IFPI Norge I Noreg vart IFPI Norge stifta i 1939 som ein interesseorganisasjon for norske fonogramprodusentar. IFPI Norge representerer plateselskap som står for rundt 90 % av norsk platesal. Samskipnaden samarbeider med FONO, interesseorganisasjonen for uavhengige norske plateselskap. Saman deler dei to organisasjonane ut Spellemannprisen og tildeler salstrofé i musikkbransjen.
Kjelder Denne artikkelen bygger på «International Federation of the Phonographic Industry» frå , den 20. januar 2015. oppgav desse kjeldene:
Bakgrunnsstoff IFPI Norge IFPIs internasjonal
Phonographic Industry Kategori:Næringslivsorganisasjonar Kategori:Opphavsrettsorganisasjonar Kategori:Skipingar i 1933