Elizabeth «Betty» Cuthbert () var ein australsk sprintar som vann fire olympiske gullmedaljar, den einaste som har vunne gull i både 100 meter, 200 meter og 400 meter sprint. Cuthbert sette heile 18 verdsrekordar i sprint i løpet av karrieren sin.
Under Sommar-OL 1956 i Melbourne sprang 18 år gamle Cuthbert seg inn til tre olympiske gullmedaljar: 100 meter, 200 meter og 4 x 100 meter stafett.Bryhn, Rolf. (2009, 14. februar). Betty Cuthbert. I Store norske leksikon. Henta 17. juni 2015. Dette var den første store internasjonale meisterskapen ho deltok i.
I 1958 sette Cuthbert to nye verdsrekordar. Ho deltok også i Sommar-OL 1960 men grunna skade rauk ho ut or forsøksheat til 100 meter. To år seinare var ho med på å vinne gullmedalje for det australske kvinnelaget i sprintstafett i samveldeleikane i Perth. Derifrå konsentrerte ho seg om distansen 400 meter. Sommar-OL 1964 i Tokyo var dei fyrste olympiske leikane der 400 meter sprint var med i programmet. Her vann Cuthbert sin fjerde olympiske gullmedalje ved å slå britiske Ann Packer med to tidelar. Etter Tokyo-leikane la ho opp.
Betty Cuthbert budde i Vest-Australia, der ho siste åra leid av sjukdommen multippel sklerose.
Kjelder
Denne artikkelen bygger på «Betty Cuthbert» frå , den 17. juni 2015.
World Athletics
Fotnote
Kategori:Australske sprintarar Kategori:Olympiske meistrar for Australia Kategori:Medaljevinnarar under sommar-OL 1956 Kategori:Australske deltakarar under sommar-OL 1956 Kategori:Friidrettsutøvarar under sommar-OL 1956 Kategori:Australske deltakarar under sommar-OL 1960 Kategori:Friidrettsutøvarar under sommar-OL 1960 Kategori:Medaljevinnarar under sommar-OL 1964 Kategori:Australske deltakarar under sommar-OL 1964 Kategori:Friidrettsutøvarar under sommar-OL 1964