«Don't Stop» er ein song av rockegruppa Fleetwood Mac, skriven av vokalist og klaverspelar Christine McVie. Songen er sungen av Christine McVie og gitaristen Lindsey Buckingham og gjeven ut på albumet Rumours i 1977. Songen vart òg gjeven ut på singel og er ein av dei mest kjende songane til bandet. Singelen nådde tredjeplassen på Billboard-lista i USA. I Storbritannia følgde «Don't Stop» etter «Go Your Own Way» som den andre singelen frå Rumours og nådde 32. plassen der. I USA vart han gjeven ut som den tredje singelen frå albumet og nådde tredjeplassen i oktober 1977.
Bakgrunn «Don't Stop» reflekterer kjenslene til Christine McVie etter ho vart separert frå bassgitaristen i Fleetwood Mac, John McVie, etter åtte år i ekteskap. «'Don't Stop' var berre ei kjensle. Det berre verka å vere ein behageleg openberring om at 'gårsdagen er over'» sa ho i The Fleetwood Mac Story: Rumours and Lies, «Det kan kanskje ha vore retta mot John, men eg er berre rett og slett ikkje pessimistisk.»Brunning, Bob .(2001). Rumours And Lies: The Fleetwood Mac Story. ISBN 978-1-84449-011-0. Henta 28. juli 2015.
Politikk Songen vart nytta som kjenningsmelodi for den første presidentvalkampen til den amerikanske presidenten Bill Clinton,
Songen vart òg spelt då Clinton dukka opp på landsmøta til Demokratane i seinare år.
Musikkvideo Eit konsertopptak av songen vart nytta som musikkvideo.
Medverkande Mick Fleetwood - trommer John McVie - bassgitar Christine McVie - akustisk piano, tack piano, Vox Continental, solovokal Lindsey Buckingham - elektrisk gitar, solovokal Stevie Nicks - tamburin, korvokal
Lister Vekeslister Liste (1977)PlasseringAustralia30Canada1New Zealand 4US Billboard Hot 1003US Cash Box Top 1001US Billboard Hot Soul Singlar3
Årslister Liste (1977)PlasseringCanada16US Billboard Hot 100http://www.musicoutfitters.com/topsongs/1977.htm52US Cash Boxhttp://50.6.195.142/archives/70s_files/1977YESP.html55
Andre versjonar Ein versjon av Elton John vart spelt inn for samleplata Legacy: A Tribute to Fleetwood Mac's Rumours i 1998.
Status Quo spelte inn songen i 1996 for coveralbumet deira Don't Stop.
Den skotske visesongaren og gitaristen Nina Nesbitt gav ut ein versjon av «Don't Stop» den 23. august 2013.
Kjelder
Denne artikkelen bygger på «Don't Stop (Fleetwood Mac song)» frå , den 28. juli 2015. oppgav desse kjeldene:
Bakgrunnsstoff
Kategori:Songar frå 1977 Kategori:Singlar frå 1977 Kategori:Fleetwood Mac-songar Kategori:Songar skrivne av Christine McVie Kategori:Softrocksongar Kategori:Songar produserte av Ken Caillat Kategori:Songar produserte av Richard Dashut Kategori:Elton John-songar Kategori:Status Quo-songar Kategori:Bill Clinton Kategori:Nummer-ein-singlar i Canada