Al-Battani

Al-Battani (), latinisert som Albategnius, Albategni eller Albatenius, var ein arabisk matematikar og den største astronomen i mellomalderen. Han gjorde særs nøyaktige observasjonar av banen til sola og forbetra verdien for det tropiske året, korrigerte presesjonskonstanten til Klaudios Ptolemaios og utførte nøyaktige målingar av hellinga til ekliptikken.

Han introduserte og mange av dei trigonometriske relasjonane og stilte mellom anna opp den første sinustabellen.

Astronomi

Eit av dei best kjende resultata til al-Battānī innan astronomi var å avgjere at solåret var 365 dagar, 5 timar, 46 minuttar og 24 sekund.O'Connor, John J.; Robertson, Edmund F., «Al-Battani», MacTutor History of Mathematics archive, University of St Andrews.

Han forbetra nokre av resultata til Klaudios Ptolemaios og sette opp nye tabellar for sola og månen. Somme av målingane hans var til og med meir nøyaktige enn dei Copernicus gjorde fleire hundreår seinare. Forskarar meiner at dette kan kome av at al-Battānī heldt seg lenger sør enn Copernicus og derfor kunne gjere målingane meir nøyaktige.

Al-Battānī oppdaga at retninga til sola sitt jordfjerne, slik det var registrert av Klaudios Ptolemaios, endra seg. Han introduserte òg, truleg uavhengig av den indiske astronomen Aryabhata frå 400-talet, bruken av sinus i utrekningane sine, og delvis innføringa av tangens. Han rekna ut verdiane for presesjonen til jamdøgera (54.5" per år, eller 1° på 66 år) og askehellinga til ekliptikken (23° 35').

Arbeidet til Al-Battānī har vore særs viktig i utviklinga av vitskap og astronomi. Copernicus siterte han i boka si De Revolutionibus Orbium Coelestium. Al-Battānī vart ofte sitert av Tycho Brahe, Riccioli og mange andre. Kepler og Galilei synte interesse i somme av observasjonane hans, og datagrunnlaget hans er framleis nytta innan geofysikk.Dalmau, W. (1997) CRITICAL REMARKS ON THE USE OF MEDIEVAL ECLIPSE RECORDS FOR THE DETERMINATION OF LONG-TERM CHANGES IN THE EARTH'S ROTATION ', Surveys in Geophysics 18: 213-223.

Matematikk

I matematikk skapte al-Battānī ei rekkje trigonometriske forhold:

Han løyste likninga sin x = a cos x då han oppdaga formelen:

Han gjev andre trigonometriske formlar for høgrevinkla trekantar som:

Kjelder

Denne artikkelen bygger på «Al-Battani» frå , den 18. august 2015. oppgav desse kjeldene:

Bakgrunnsstoff (PDF version)

Kategori:Matematikarar på 800-talet Kategori:Matematikarar på 900-talet Kategori:Astronomar på 800-talet Kategori:Astronomar på 900-talet Kategori:Astrologar på 800-talet Kategori:Astrologar på 900-talet Kategori:Arabiske mellomalderastrologar Kategori:Arabiske mellomalderastronomar Kategori:Arabiske mellomaldermatematikarar Kategori:Irakiske mellomalderastrologar Kategori:Irakiske mellomalderastronomar Kategori:Irakiske mellomaldermatematikarar Kategori:Islamske mellomalderastrologar Kategori:Islamske mellomalderastronomar Kategori:Islamske mellomaldermatematikarar