Jernmaurpitta (Grallaria rufocinerea) er ein fugl i maurpittafamilien. Han er nær endemisk for Colombia, men ein underart, Grallaria r. romeroana kan treffast lengst nordvest i Sucumbíosprovinsen i Ecuador, i tillegg til i vestre Putumayo-departementet i Colombia. Nominatforma lever i sentrale fjellkjeda av Andes frå vestre Huila-departementet i sør nordover til sørlege Antioquia-departementet.
Skildring
Med ei kroppslengd på 15,5 til 16 centimeter, typisk for slekta Grallaria, er jernmaurpittaen ein mellomstor maurpitta. Hovudet med hals, og heile oversida er mørk raudbrun, undersida har ei kontrastrik gråfarge. Strupeområdet er mørkt. Denne arten lever i underskog, fuktig skog og gjenreist skog, frå 2000 til 3660 moh.,Krabbe et al, 2003 men nokre gonger ned til 1950 moh.
Den totale populasjonen er estimert til å ligge i området frå 2 500 til 10 000 individ. Arten er klassifisert som sårbar.BirdLife International (2015)
Kjelder
Krabbe, N.K. & Schulenberg, T.S. (2003). Bicolored Antpitta (Grallaria rufocinerea) In: del Hoyo, J., Elliott, A., Sargatal, J., Christie, D.A. & de Juana, E. (eds.) (2015). Handbook of the Birds of the World Alive. Lynx Edicions, Barcelona. Henta den 25. september 2015 Ridgeley, Robert S. Paul J. Greenfield, The Birds of Ecuador vol II, Christopher Helm London (2001) ISBN 0-7136-6117-8 BirdLife International (2015) Species factsheet: Grallaria rufocinerea . Henta frå http://www.birdlife.org den 25. september 2015
Referansar
Bakgrunnsstoff
Kategori:Maurpittafamilien Kategori:Fuglar i andesregionen Kategori:Fuglar i Colombia Kategori:Fuglar i Ecuador