Chicago VII er det sjette studioalbumet til det amerikansk rockebandet Chicago, gjeve ut i 1974. Det var det første og siste dobbeltalbumet deira med nye songar sidan Chicago III i 1971.

Bakgrunn Medan dei turnerte for å marknadsføre Chicago VI i 1973, byrja bandet å bli rastlause og byrja å spele nokre lange jazzinstrumentalar i setlista si. Publikum hadde ei noko blanda reaksjon til dette, men Chicago likte musikkstykka og etter å ha snakka om det i fleire år, ønskte dei å gje ut eit reint jazz-aktig album, og drog til produsenten James William Guercio og Caribou Ranch for å spele inn det nye, ambisiøse albumet.

Innspelinga starta bra, men det vart etter kort tid usemje i gruppa om jazzprosjektet, og både Peter Cetera og Guercio var begge uroa over den kommersielle risken eit slikt album var. Bandet meinte at somme av dei jazzaktige songane var for gode til å kaste, og dei andre gjekk til slutt med på å spele inn nokre meir pop- og rock-orienterte songar i mellomtida. Slik hadde Chicago brått nok materiale til eit dobbeltalbum.

Chicago stod igjen med ein stor variasjonar av songar, som Terry Kath sin «Byblos», kalla opp etter ein klubb i Osaka i Japan der Chicago hadde spelt. Robert Lamm, som spelte inn eit soloalbum kalla Skinny Boy på den tida, kom med fleire nye songar, til og med tittelsporet frå soloalbumet sitt med The Pointer Sisters på korvokal. James Pankow kom med ein ny hitsingel, «(I've Been) Searchin' So Long» (9. plass), og trompetisten Lee Loughnane traff innartiar med den første songen han skreiv, hitsingelen «Call on Me» (6. plass). Peter Cetera skreiv flest songar for Chicago VII, med «Happy Man» og «Wishing You Were Here» (11. plass), ein svulstig ballade (teikn på framtida) med tre medlemmar frå The Beach Boys på korvokal. «Happy Man» vart sidan spelt av Tony Orlando and Dawn på albumet deira To Be With You.

Chicago VII er òg første gongen Lee Loughnane skreiv og song på eit album, og det var første og einaste gongen at alle medlemmane i bandet bidrog med låtskriving.

Albumet kom ut i mars 1974, Chicago VII og trass i at den første plata nesten berre bestod av jazzinstrumentalar, gjekk det rett til topps på den amerikanske albumlista.

I 2002 vart Chicago VII remastra og gjeve ut som ein enkel CD av Rhino Records med eitt bonusspor: ei tidleg øving av «Byblos».

Innhald

Bonusspor (2002-utgåva) "Byblos (Rehearsal)» (Terry Kath) – 5:40

Medverkande

Peter Cetera – bass, solovokal, gitar (12), korvokal (6,8,9,12,13) Terry Kath – gitar, solovokal, bass (7,11,12,15), bjøller (10), korvokal (6,8,10) Robert Lamm – akustisk piano (8,9,12,14), klaverinstrument (2), Fender Rhodes (3-8,13,15), clavinet (6,14), Mellotron (1), ARP synthesizer (4), Mini Moog (8), solovokal, korvokal (6,8,9,13) Danny Seraphine – trommer, perkusjon (07,12) Lee Loughnane – trompet, flygelhorn (3,5), solovokal (10), korvokal (8,10,13) James Pankow – trombone, perkusjon (8), pauke (9), korvokal (8,9) Walter Parazaider – fløyte (1,2), sopransaksofon (3), altsaksofon (9), tenorsaksofon

Blåsearrangement : (4) av James Pankow & Robert Lamm ; (2,5,6,8,9,12-15) av James Pankow

Andre medverkande Laudir de Oliveira – perkusjon på 1,3,4,6,7,9, 11,12,13,16, congas på 2,4,6,8 David Wolinski – ARP-synthesizer på 8,12; akustisk piano på 10, Mellotron og Fender Rhodes på 11 James William Guercio – akustisk gitar på 7, bass på 10, gitar på 12 Jimmie Haskell – strykarar på 8 Wayne Tarnowski – akustisk piano på 11 Guille Garcia – congatrommer på 9,11,13,15, perkusjon på 7 Bobbi Roen, Camelia Ortiz, Diane Nini, Hank Steiger og Julie Nini – bakgrunnsstøy på 9 Al Jardine – korvokal på 12 Carl Wilson – korvokal på 12 Dennis Wilson – korvokal på 12 The Pointer Sisters – korvokal på 15 Ross Salomone – trommer på 15

Produksjon Produsert av James William Guercio Lydteknikar: Wayne Tarnowski og Jeff Guercio Strykarar innspelt av Armin Steiner i Sound Labs (Hollywood, CA) Miksa av Phil Ramone Plateomslag – John Berg og Nick Fasciano Fotografi – Urve Kuusik

Lister Album ÅrListePlassering position1974Billboard Pop Album1 Singel ÅrSingelListePlassering1974"(I've Been) Searchin' So Long"Billboard Pop Singles91974"Call on Me"Billboard Adult Contemporary11974"Call on Me"Billboard Pop Singles61974"Wishing You Were Here"Billboard Adult Contemporary11974"Wishing You Were Here"Billboard Pop Singles11

Salstrofé OrganisasjonNivåDatoRIAA – USAGullplate18. mars 1974RIAA – USAPlatina21. november 1986

Kjelder Denne artikkelen bygger på «Chicago VII» frå , den 21. oktober 2015. oppgav desse kjeldene:

Kategori:Chicago-album Kategori:Musikkalbum frå 1974 Kategori:Album produserte av James William Guercio Kategori:Columbia Records-album Kategori:Nummer-ein-album i USA