Turkisdaknis (Dacnis hartlaubi) er ein fugl i tanagarfamilien som er endemisk for Colombia. Han lever i små oppstykka habitat i alle tre fjellkjeder av Andes, totalt utbreiingsareal er ca. 140 km2.
Skildring Turkisdaknisen er ein liten tanagar med ei kroppslengd på 11 cm, der kjønna har stor skilnad i utsjånaden. Hannfuglen er lys turkisblå med ei svart maske, svart strupe, svart skulder og hale. Vengene er òg svarte, men med somme blåfrynsete fjører. Hofuglar er lite iaugefallande: brun overside, grå underside som går over til gulkvitt på midten av buken og brystet. Begge har kort og kraftig nebb og gul iris.Hilty, 2011
Lætet hos denne arten er ein uvanleg høg, monoton metallisk knirkelyd.
Han lever for det meste i fuktige habitat, mellom 1350 og 2200 moh. Dette er fruktetarar som òg tar insekt og andre leddyr.
Storleiken på populasjonen er estimert til å ligge i området 3 750-15 000, og trudd å vere minkande. Arten er klassifisert som sårbar. Trugsmåla er avskoging for jordbruksføremål, kaffiplantasjar og urbanisering der arten har hatt naturleg habitat.BirdLife International (2015)
Kjelder
Hilty, S. (2011). 9 Turquoise Dacnis (Dacnis hartlaubi) I: del Hoyo, J., Elliott, A., Sargatal, J., Christie, D.A. & de Juana, E. (eds.) (2015). Handbook of the Birds of the World Alive. Lynx Edicions, Barcelona. Henta den 1. november 2015 BirdLife International (2015) Species factsheet: Dacnis hartlaubi. Henta frå http://www.birdlife.org den 1. november 2015
Referansar
Bakgrunnsstoff
Bilete av hannfugl frå Reinita Azul ProAves reserve, foto: Fabrice Schmitt /Flickr.com
Kategori:Tanagarfamilien Kategori:Fuglar i andesregionen Kategori:Fuglar endemiske for Colombia