Lars Randby Bærøe () var ein norsk gardbrukar og stortingsmann frå Hobøl i Østfold.
Bærøe kom til verda på garden Bærø i Hobøl, ein storgard han vart eigar av i 1829. Frå 1838 til 1851 var han den fyrste ordføraren i Hobøl, forlikskommissær 1839-70 i bygda.
Bærøe var 3. representant på Stortinget frå Smaalenenes amt i 1836 og på det overordentlege storting 1836/37, medlem av militærkomiteen. Etter å ha vore varamann ved dei to neste stortingssamlingane, kom han tilbake på Stortinget i 1845 som fyrste representant frå amtet i 1845. Både då og i 1851 var han medlem av næringskomite nr 2, i 1851 også av Lagtinget.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1836-1838 Kategori:Stortingsrepresentantar 1845-1847 Kategori:Stortingsrepresentantar 1851-1853 Kategori:Stortingsrepresentantar for Østfold Kategori:Ordførarar i Hobøl Kategori:Norske gardbrukarar Kategori:Folk frå Hobøl