mini|Moské i Jhelum Jhelum (uttalt dʒe:ləm) er ein by i Panjab i Pakistan. Han har kring 145 000 innbyggjarar (1998). Byen ligg ved vestbreidda av elva Jhelum, rundt 10 mil søraust for Rawalpindi.
Historisk er staden knytt til Aleksander den store, som skal ha kryssa elva Jhelum her. Ein har også spekulert i om gamlebyen her, på den andre sida av elva, er den same som Bukefala, byen Aleksander grunnla til minne om hesten sin på 300-talet f.Kr.
Dei viktigaste næringsvegane i Jhelum er tekstilproduksjon og tømmerhandel med tilknytte sagbruk og papirfabrikkar. Byen har både veg- og jernbanebru over elva Jhelum, og har transport til Peshawar og Lahore både gjennom jernbanen og hovudvegen, Grand Trunk Road.
Det finst fleire høgskular i byen med tilknyting til Universitetet i Panjab.
Kjelder
Kategori:Byar i Pakistan Kategori:Panjab i Pakistan