Borgå (finsk Porvoo) er ein by og kommune i landskapet Nyland sør i Finland. Borgå har 47 404 innbyggjarar og eit areal på 663 km². Borgå grensar til kommunane Sibbo, Borgnäs, Askola, Mörskom og Lovisa.
Byen ligg i den austlegaste finlandssvensken regionen, og var tidlegare einspråkleg svensk. No har likevel byen finsktalande fleirtal (ca. 64 %).
Borgå er den nest eldste byen i Finland og vart grunnlagt av den svenske kongen Magnus Eriksson i 1346. Byen er bispesete for alle svenskspråklege kyrkjelydar i Finland.
Etter at Finland vart russisk storfyrstedømme i 1809 vart Borgå lantdag halde i byen. Her vart religionen i landet stadfesta. Likeeins vart Finlands rett til å halde på svensk lov slått fast.
Finlands nasjonalskald Johan Ludvig Runeberg levde i Borgå i 40 års tid frå 1837 fram til han døydde i 1877.
Ting å sjå i Borgå er mellom anna [domkyrkja og dei gamle trehusa som ligg rundt. Gamlebyen i Borgå utgjer saman med Borgå ådal eit av dei 27 offisielle nasjonallandskapa i Finland.
Galleri
Kjelder
Denne artikkelen bygger på «Borgå» frå , den 4. juli 2016.
Bakgrunnsstoff Uppslagsverket Finland, Borgå Borgå stad Miljöministeriet, Finlands 27 nationallandskap
Kategori:Kommunar i Nyland Kategori:Byar i Finland