mini|Detalj av pergamentside frå folio 101v av GKS 1005 - Flateyjarbók, med teksten: jarl í Orkneyum. Arnkjell Einarsson (Arnkel) eller Torv-Einarsson, var jarl på Orknøyane, truleg frå omkring 935 til 954.
Han er omtala i OrknøyingasogaOrknøyingasoga omsett av Gustav Indrebø (Oslo 1929), i soga om Håkon den godeSoga om Håkon den gode frå heimskringla.no omsett av S. Schjött (1900) (kap.4), soga om Olav den heilageSoga om Olav den heilage frå heimskringla.no omsett av S. Schjött (1900) (kap. 96) og i andre av dei norrøne sogene, der det er opplyst at Arnkjell var son til orknøyjarlen Einar Ragnvaldsson (Torv-Einar) og at han hadde to brør: Erlend og Torfinn (Torfinn Hausakljuv). Arnkjell hadde truleg òg ei syster som heitte Tordis.Landnåmaboka frå snerpa.is (kafli 74) om Tordis, dotter til Torv-Einar
Etter at Torv-Einar døydde, vart Arnkjell og brørne hans sams jarlar på Orknøyane. Det blir oftast rekna med at Einar døydde i 910, men tidsrekninga er usikker. Dette dødsåret gir ei uvanleg lang styrigstid for sønene hans (frå 910 til 954/963), og det verkar meir truleg at Einar kan ha levd lenger, kanskje til midten av 930-åra. Snorre skriv i soga om Olav den heilage (kap.96), at Eirik Blodøks kom til Orknøyane etter å ha blitt forvist frå Noreg, og då var Torv-Einar død. Truleg skjedde dette heilt på slutten av 930-åra.
Frå Orknøyane drog Eirik Blodøks på hærferd til dei britiske øyane og Arnkjell og broren Erlend var i lag med han. Dei norrøne sogene har noko ulike skildringar av lagnaden til Eirik Blodøks, men mest truleg fall han i 954 i slaget ved Stainmore.Anglo-Saxon England s.362, av Sir F. Stenton (1971)"Stainmore, battle of," Oxford Reference I den angelsaksiske krønikaThe Anglo-Saxon Chronicle Online Medieval and Classical Library for åra 948 og 954, finn vi òg støtte for at Eirik (Eric) sitt herredøme over Northumberland var slutt på denne tida.
i Orknøyingasoga (kap. 8) er det opplyst at i dette slaget miste begge brørne Arnkjell og Erlend livet, saman med Eirik Blodøks.
Referanseside Føregjengar O r k n ø y j a r l Etterkomar Tilleggsopplysningar Orknøyjarlane Einar Ragnvaldsson Arnkjell Einarsson Samstyre: Erlend Einarsson Torfinn Einarsson Arnfinn Torfinnsson -
Referansar
Bakgrunnsstoff Orknøyingenes saga omsett av Anne Holtsmark (Oslo 1970) Eirik 1 Haraldsson Blodøks Norsk biografisk leksikon
Kategori:Folk frå vikingtida Kategori:Folk frå norrøn tid Kategori:Jarlar av Orknøyane Kategori:Folk frå 900-talet Kategori:Døde i 950-åra