Ghada Shouaa () er ein syrisk tidlegare friidrettsutøvar frå Mhardeh i Hama guvernement som konkurrerte i mangekamp. Under dei olympiske leikene 1996 i Atlanta vann ho Syrias fyrste og einaste olympiske gullmedalje. Ho er også verdsmeister i sjukamp frå Göteborg i 1995.
Aktiv Shouaa gjennomførte sin fyrste sjukamp i 1991, og vart omgåande teken ut til VM 1991 i Tokyo, der ho ende på sisteplassen av dei som fullførte. Seinare i 1991-sesongen vart ho nummer to i sjukamp i Asia-meisterskapen. Ho OL-debuterte i Barcelona i 1992, der ho med skade kom på 25. plass.
Det store gjennombrotet til Shouaa kom i 1995 då ho vann den prestisjetunge Götzis-tevlinga med 6 715 poeng. Nokre veker seinare steig ho heilt til topps i sjukampen under VM i Göteborg. Shouaa vann med poengsummen 6 651, sølvvinnaren Svetlana Moskalets hadde 6 575 poeng.
I OL-sesongen året etter vann Shouaa atter i Götzis-sjukampen, der ho sette ny asiatisk rekord med 6 942 poeng. Under sommarleikane 1996 i Atlanta sikra ho seg gullmedaljen med stor margin, 6 780 poeng mot sølvmedaljør Natallja Sazanovitsj sine 6 563 poeng. Det er det einaste OL-gullet som har gått til Syria.
Skade øydela sesongane 1997 og 1998. I 1999 gjorde Shouaa comeback i VM 1999 i Sevilla og tok bronsemedaljen med 6 500 p, langt bak Eunice Barber på 6 861 poeng og Denise Lewis med 6 724.
Shouaa la opp etter OL i Sydney 2000.
Medaljar og plasseringar i internasjonale meisterskap VM 1991 i Tokyo: Nr 24 – 5 066 poeng OL 1992 i Barcelona: Nr 25 – 5 278 poeng VM 1993 i Stuttgart: Braut etter tre øvingar VM 1995 i Göteborg: Gullmedalje 6 651 p, framom Svetlana Moskalets (6 575 p) OL 1996 i Atlanta: Gullmedalje 6 780 p, framom Natallja Sazanovitsj (6 563 p) VM 1999 i Sevilla: Bronsemedalje – 6 500 poeng OL 2000 i Sydney: Braut opningsøvinga
Shouaa er busett i Tyskland.
Kjelder
Denne artikkelen bygger på «Ghada Shouaa» frå , den 16. august 2016.
World Athletics
Kategori:Syriske friidrettsutøvarar Kategori:Mangekjemparar Kategori:Verdsmeistrar i friidrett Kategori:Olympiske meistrar for Syria Kategori:Syriske deltakarar under sommar-OL 1992 Kategori:Friidrettsutøvarar under sommar-OL 1992 Kategori:Medaljevinnarar under sommar-OL 1996 Kategori:Syriske deltakarar under sommar-OL 1996 Kategori:Friidrettsutøvarar under sommar-OL 1996 Kategori:Syriske deltakarar under sommar-OL 2000 Kategori:Friidrettsutøvarar under sommar-OL 2000