«Viva Las Vegas» er ein song frå 1963 skriven av Doc Pomus og Mort Shuman. Han vart spelt inn same året av Elvis Presley for filmen Viva Las Vegas, som i lag med songen vart gjeven ut året etter. Sjølv om Presley aldri framførte songen på konsertane sine, er songen blitt kjend og spelt inn av mange andre artistar. I USA selde singelen over ein halv million eksemplar, og Presley fekk gullplate for songen i 1992.
Historie Songen vart utgjeven som B-side av «What'd I Say» frå filmen med same namn. «Viva Las Vegas» gjekk på eiga hand inn på singellista og nådde 29. plassen på Billboard Hot 100-lista.Jorgensen, Ernst. Elvis Presley A Life in Music: The Complete Recording Sessions. New York: St. Martin's Press, 1998; s. 182, 416 Elvis-versjonen av «What'd I Say» nådde 21. plassen. «Viva Las Vegas» nådde 12. plassen på den britiske UK Singles Chart.
I åra etter han kom ut vart songen sterkt knytt til Presley. I 1990- og 2000-åra er songen blitt brukt i mange filmar og fjernsynsseriar, anten som ein referanse til byen Las Vegas, eller berre som eit uttrykk for glede.
I 2002 bad byen Las Vegas Elvis Presley Enterprises, selskapet som tar seg av arva etter Elvis og alle musikkrettane hans, om løyve til å gjere songen til den offisielle bysongen. Forhandlingane stoppa opp over prisen som EPE ønskte, trass i at EPE ikkje hadde kontrollert opphavsretten til sognen sidan 1993, då han kom i eige hos familiane til låtskrivarane Doc PomusHalberstadt, Alex «Lonely Avenue The Unlikely Life & Times of DocPomus», 2007; DaCapo Press og Mort Shuman. Sidan EPE ikkje lenger eig rettane til songen, kan dei i røynda heller ikkje bestemme over songen.
Andre versjonar
Ein nederlandsk versjon vart skriven av John Spencer og Tom Peters og framført av John Spencer i 1985. Jarmo Koponen skreiv ein finsk tekst, «Humppaleka», som vart framført av Eläkeläiset i 1995.
Kjelder
Bakgrunnsstoff
Kategori:Songar frå 1963 Kategori:Singlar frå 1964 Kategori:Singlar frå 1992 Kategori:Elvis Presley-songar Kategori:Songar med musikk av Mort Shuman Kategori:Songar med tekst av Doc Pomus Kategori:Songar om Las Vegas Kategori:RCA Records-singlar Kategori:Werner Müller-songar Kategori:Dead Kennedys-songar Kategori:Danny Mirror-songar Kategori:Nina Hagen-songar Kategori:Bruce Springsteen-songar Kategori:ZZ Top-songar Kategori:Dread Zeppelin-songar Kategori:Billy Swan-songar Kategori:Engelbert Humperdinck-songar Kategori:Amanda Lear-songar Kategori:The Killers-songar