Sverre Geir Istad () er ein norsk tidlegare skiskyttar frå Voss, medlem i Voss Idrettslag. Han vann VM-sølv i lagtevlinga i 1991, og NM-gull på 10 km i 1990. Jon Istad var farbror hans og han er syskenbarn til Gro Marit Istad Kristiansen.
Istad vann 10 km sprint under NM i skiskyting 1990 på heimebane på Voss, framfor sambygdingane Eirik Kvalfoss og Gisle Fenne. Året etter fekk han sølv på 20 km då noregsmeisterskapen fann stad i Steinkjer, lagkamerat Fenne tok gullmedaljen.
Under VM i skiskyting 1991 i Lahti var Istad med å vinne sølv i lagtevlinga, saman med Jon Åge Tyldum, Ivar Ulekleiv og Frode Løberg. På 10 km sprint kom han på niandeplassen.
Kjelder Sportsboken, aktuelle årgangar
Kategori:Norske skiskyttarar Kategori:Norske deltakarar under vinter-OL 1988 Kategori:Skiskyttarar under vinter-OL 1988 Kategori:Folk frå Voss