Einar Liberg () var ein norsk lærar og rifleskyttar som vann medaljar i fire olympiske sommarleikar på rad i tida 1908-24. Liberg sikra seg i denne perioden til saman fire olympiske gull, to sølv og ein bronse.
Karriere Liberg, som var fødd i Elverum, var det meste av livet folkeskulelærar i Oslo. Han var ein framifrå skyttar, og under sommarleikane 1908 i London var han med på å sikre Noreg gull i lagskyting med rifle. Fire år seinare fekk han sølv i same øvinga då Sommar-OL 1912 fann stad i Stockholm.
Etter fyrste verdskrigen var over, deltok Liberg i viltmålskyting, såkalla springande hjort. Under dei olympiske leikane 1920 i Antwerpen, sopa han med seg laggull i springande hjort, både i enkeltskot og dobbeltskot, og han fekk bronsemedalje individuelt i springande hjort med dobbeltskot. Liberg avslutta ei fabelaktig olympisk karriere med nye medaljar under OL i Paris i 1924. Her vann han gull i lagskyting på springande hjort med enkeltskot og sølv i lagskyting på springande hjort med dobbeltskot.
OL-medaljar 1908 London - 16px|Gull Gull i skyting, 300 meter rifle, 3 stillingar, lagskyting (Noreg) 1912 Stockholm - 16px|Sølv Sølv i skyting, frigevær lagskyting (Noreg) 1920 Antwerpen - 16px|Gull Gull i skyting, springande hjort enkeltskot, lagskyting (Noreg) 1920 Antwerpen - 16px|Gull Gull i skyting, springande hjort dobbeltskot, lagskyting (Noreg) 1920 Antwerpen - 16px|Bronse Bronse i skyting, springande hjort dobbeltskot 1924 Paris - 16px|Gull Gull i skyting, springande hjort enkeltskot, lagskyting (Noreg) 1924 Paris - 16px|Sølv Sølv i skyting, springande hjort dobbeltskot, lagskyting (Noreg)
Kjelder Denne artikkelen bygger på «Einar Liberg» frå , den 25. mars 2017.
Kategori:Norske skyttarar Kategori:Folk frå Elverum Kategori:Olympiske meistrar for Noreg