Haakon Garaasen () var ein norsk journalist, lokalhistorikar og forfattar. I romanar og dokumentarbøker skildra han heimbygda og historia hennar.
Haakon Garaasen var yngst av ti søsken på garden Jons i Galåsen. Han gjekk på Voss Folkehøgskule 1905-06, samstundes med Tore Ørjasæter, og var også knytt til Voss Folkehøgskule vinteren 1910-11. Ved sida av forfatterskapen livnærte han seg av jordbruk og journalistikk.Olav A. Loen. Bygda gav diktarsyn. Rune forlag, 1970 (ebok) I ungdommen dreiv han med idrett og han var aktiv i ungdomslaget Trysalir.
I 1908 debuterte Haakon Garaasen med novellesamlinga Frå skogbygda. I alt skreiv han sju bøker. Debutboka blir karakterisert ved ein knapp, kvass stil. Romanen Rogfinne (1912) skildrar motsetninga mellom skogfinnar og nordmenn på 1800-tallet, mens Tungsjøætta (1916) handlar om destruktiv ættestolthet. I trebindsverket med lokalhistorie (1923-25) utvikla han «en spennende blandingssjanger»Geir Vestad. «Markens grøde på Finnskogen » i Hamar Arbeiderblad, 29. april 2009 av sakprosa, sagn og fortelling.
Sjukdom kan ha vore noko av forklaringa på at Garaasen ikkje heldt fram med som forfattar utover i 1930-åra. Han skreiv imidlertid for aviser og blad både i Norge og Sverige. Under andre verdenskrigen var han medlem av Nasjonal Samling. Fotosamlinga hans er teken vare på i Trysil folkebibliotek.
Forfattarskap 1908: Frå skogbygda, noveller 1912: Rogfinne, roman 1916: Tungsjøætta, roman. Omsett til svensk 1923-25: Frå grensebygder og Finnskogar, lokalhistorie 1923: Trysilmalm og andre malmar 1924: Magre vilkår 1925: Emigrantane frå Suomi Kallevalas land 1929: I daleskog, dikt og sagn. Sammen med Paul Lundh
Referansar
Litteratur Håkan Axelsson. «Haakon Garaasen, ett liv speglat i ett arkiv. » i Årbok for Trysil, 1987 Bakgrunnsstoff Haakon Garaasen på Allkunne Haakon Garaasen i Norsk biografisk leksikon, 1. utg. Haakon Garaasen i Norsk allkunnebok
Kategori:Norske romanforfattarar Kategori:Norske lokalhistorikarar Kategori:Nynorskforfattarar Kategori:Folk frå Trysil Kategori:Medlemmar av Nasjonal Samling