Sitra (arabisk سترة eller سِتْرَة, òg: As Sitra, Jazīrat Sitrah og Jazīrat as Sitra) er ei øy i Sentralguvernementet i Bahrain, like aust for Bahrainøya i Persiabukta. Ho ligg sør for Manama og Nabih Saleh. Vestkysten av øya dannar eine sida av Tublibukta.
Dei fleste av innbyggjarane på øya bur i sju historiske landsbyar: Wadyan, Al Kharijiya, Marquban, Al Garrya, Mahazza, Sufala og Abul Aish. Det finst fleire fråflytta byar i Sitra, og den viktigaste av desse er Halat Um al-Baidh. Innbyggjarane på Sitra er stort sett bahrainske sjiamuslimar, med ein større sørasiatisk minoritet.
Den sunniarabiske folkesetnaden på Sitra (inkludert Al Buainain-stamma som budde i den no folketomme landsbyen Salba, vest på Sitrahttp://www.al-buainain.com/page.php;do=show&action=mwtn) forsvann tidleg i 1920-åra då dei fleste av dei døydde av kopper eller flytta attende til heimlandet sitt..ويثيقة جذور العائلة الستري العتبي للشيخ عذبي بن جلوي الستري
Masjid al-Mughira ibn Shu'ba, den siste attverande sunni-moskeen på øya, vart nedlagd i 2011 etter at han vart vandalisert av sjiademonstrantar.http://www.albiladpress.com/article206854-1.htmlhttp://karamabh.org/2012/07/22/الاعتداءات-على-المساجد-السنية-والمصل/
Geografi og økonomi Øya brukte å vere dekt av daddelpalmelundar og gardar, som fekk vatn frå fleire ferskvasskjelder. Hovudnæringa på øya var basert på jordbruk og fiske. Mangrover brukte å dekkje vestkysten, men desse har nesten heilt forsvunne på grunn av utbygging.
Nordsida av øya er utbygd til eit industriområde. Oljelagra til Bapco ligg sør på øya. Sitra er òg endestasjonen til den 42 km lange naturgassrøyrleidninga Dhahran-Sitra, som går til Dahran i Saudi-Arabia.
Sitra-vegfyllinga knyter nordsida av øya til Nabih Saleh og Umm al Hussam (Manama) på Bahrainøya. Ei lita bru i sørvest går òg frå Sitra til Bahrainøya, nær landsbyane Ma'ameer og Eker.
Historie mini|venstre|Bapco Bahrain oljereservoar i Sitra mini|venstre|Kai nummer 4 på Sitra i 1940.
I 1782 oppstod det ein strid mellom lokale innbyggjarar og fleire personar frå Al Khalifa som kom frå Zubara for å kjøpe forsyningar. Det oppstod kampar som førte til at folk på begge sider vart drepne. «Summary of Baharain and Baharna's history», Al Jareesh, Henta 15. juni 2017
Sitra kommune mini|Kart over Bahrain som syner Sitrah kommune. Sitra var namnet på ein kommune i Bahrain før dei vart omorganiserte som guvernement. Sitra kommune bestod av øya Sitra og tre landsbyar nær øya på hovudøya Bahrain: Ma'ameer, Eker og Nuwaidrat.
Sitra kommune dekte eit område som omfatta heile petroleumsproduksjonen til Bahrain. Det er òg eit eksportsenter for oljefelta nordaust i Saudi-Arabia.
Kjelder Denne artikkelen bygger på «Sitra» frå , den 15. juni 2017. oppgav desse kjeldene:
Kategori:Busetnader i Bahrain Kategori:Øyar i Bahrain Kategori:Tidlegare kommunar i Bahrain