Aba A. Bentil Andam () er ein ghanesisk partikkelfysikar og president av Ghana Academy of Arts and Sciences sidan 2017.
Liv Aba A. Bentil Andam blei fødd i Ajumako Kokoben i Ghana i 1948. Ho byrja å studera ved University of Cape Coast i Ghana, og fortsette deretter studiane i Storbritannia. Ho tok ein mastergrad ved University of Birmingham og doktorgrad ved Durham University. Andam blei professor ved Kwame Nkrumah University of Science and Technology i 1981.
I 1986 og 1987 studerte ho meson med charm-flavour ved det tyske forskingssenteret DESY (Deutsches Elektronen-Synchrotron). Ho forska på radon og gjorde undersøkingar av radon-mengder og menneske si utsetjing for den radioaktive gassen fleire stader i Ghana.
Aba Andam blei leiar for fysikk-fakultetet ved Kwame Nkrumah University of Science and Technology ved midten av 2000-åra. Ho har forska på anvendt kjernefysikk ved Nuclear Research Laboratory i Kumasi. I januar 2017 blei ho vald til president for Ghana Academy of Arts and Sciences for ein toårsperiode.
Frå 1987 tok ho del i utdanningsprogram retta mot å auka kvinner si deltaking i naturvitskap. Andam har også vore leiar for UNESCO sitt Women in Science and Technology-program i Vest-Afrika.
Kjelder
Denne artikkelen bygger på «Aba Andam» frå , den 8. juli 2017.
Kategori:Studentar ved University of Cape Coast Kategori:Studentar ved Durham University Kategori:Studentar ved University of Birmingham Kategori:Ghanesiske vitskapsfolk Kategori:Partikkelfysikarar Kategori:Kwame Nkrumah University of Science and Technology