«She's a Woman» er ein song av The Beatles, hovudsakleg skriven av Paul McCartney og tilskriven Lennon–McCartney. John Lennon skreiv tekst og mellomspelet. Songen var ferdig i studio den same morningen han vart spelt inn og vart gjeven ut som B-side til «I Feel Fine» i 1964, den siste singelen deira det året. Songen nådde fjerdeplassen på Billboard Hot 100 fordi han vart mykje spelt på radio.
Komposisjon og innspeling «She's a Woman» har blitt skildra som ein rock and roll- og rhythm and blues-song. Songen vart hovudsakleg skriven av Paul McCartney og var eit forsøk på å etterlikne vokalstilen til Little Richard. Dette er årsaka til at songen ligg i eit høgt register.
Skribenten Ian MacDonald skreiv i boka si Revolution in the Head at den endlege miksen av «She's a Woman» var uvanleg då han kom ut, sidan basstromma til Starr berre så vidt kan høyrast.Ian MacDonald «Revolution in the Head»
Utgjeving I USA kom songen ut på Capitol-albumet Beatles '65. I Storbritannia kom songen først ut på eit album på Rarities i 1978. Bandet spelte songen på konsertane sine i 1965.
På den amerikanske singellista vart songen den 11 songen deira som nådde topp 10 i løpet av 1964. Dette er rekord for talet på Topp 10-hittar innan same året på Billboard Hot 100 av ein enkel artist eller gruppe. Det var òg den 12. hitten på Topp 10 skriven av Lennon–McCartney, som òg var ny rekord.
Medverkande Paul McCartney – vokal, bass, piano John Lennon – rytmegitar George Harrison – sologitar Ringo Starr – trommer, chocalho George Martin – plateprodusent Norman Smith – lydteknikar Personell per John C. Winn og Walter Everett
Andre versjonar
Andre artistar som har spelt inn songen er Jeff Beck med ein instrumental jazzfusion-versjon på albumet Blow by Blow i 1975. Dette vart òg produsert av George Martin. Ein latinjazzversjon spelt inn av Joe DeRenzo frå albumet Core Beliefs og ein versjon av ESC på Step Inside LOVE. Ein pop-reggae-versjon vart gjeven ut av Scritti Politti med Shabba Ranks. José Feliciano spelte inn ein versjon av songen og Chet Atkins gav ut ein instrumental versjon. Andre artistar som har spelt inn songen The Churchills og Jess & James.
Kjelder
Denne artikkelen bygger på «She's a Woman» frå , den 11. mars 2018. oppgav desse kjeldene:
Bibliografi
Kategori:The Beatles-songar Kategori:Singlar frå 1964 Kategori:Parlophone-singlar Kategori:Songar produserte av George Martin Kategori:Songar skrivne av Lennon–McCartney Kategori:Songar frå 1964 Kategori:Capitol Records-singlar Kategori:Songar om kvinner Kategori:Jeff Beck-songar Kategori:Chet Atkins-songar Kategori:The Challengers-songar Kategori:José Feliciano-songar Kategori:Paul McCartney-songar Kategori:Scritti Politti-songar Kategori:Shabba Ranks-songar