«Sailing» er ein song skriven av Gavin Sutherland frå Sutherland Brothers i 1972, men mest kjend som ein internasjonal hit for Rod Stewart i 1975.
Originalinnspelinga Gavin Sutherland sa: «Folk flest trur songen handlar om ein ung mann som fortel jenta si at han kryssar Atlanteren for å vere med ho. Faktisk har songen ingenting med kjærleik eller skip å gjere. Det er ei soge om mennesket si andelege reise gjennom livet på veg mot fridom og oppfylling med Gud.»
Songen vart skriven på stranda ved Blythe Bridge, og vart spelt inn av Sutherland Brothers – ein duo som bestod av Gavin og Iain Sutherland – i juni 1972. Gavin spelte basstromme og Iain pumpeorgel og dei song begge vokal. Songen kom ut på singel og nådde 54. plassen i Storbritannia i juli 1972. Songen kom så ut på den amerikanske utgåva av albumet Lifeboat i november 1972, men ikkje på den britiske.
Rod Stewart-versjonen
«Sailing» vart spelt inn av Rod Stewart for det første albumet han spelte inn i Nord-Amerika, Atlantic Crossing. Albumet vart spelt inn i april - juni 1975 i Muscle Shoals Sound Studio med produsenten Tom Dowd. Songen var den første singelen frå albumet og vart ein stor hit. I Storbritannia låg han fire veker på toppen av singgellista i september 1975. Singelen gjekk òg inn på lista att i 1976 og i 1987 og er den største suksessen Stewart hadde i heimlandet. «Sailing» selde derimot ikkje like mykje i USA. «Sailing» gjekk òg til topps i Irland, Nederland og Noreg, nådde andreplassen i Australia, Flandern i Belgia, Sør-Afrika og Sveits, tredjeplassen i New Zealand, fjerdeplassen i Tyskland, sjuandeplassen i Austerrike og 13. plassen i Sverige. I Noreg låg songen heile 18 veker samanhengande på førsteplassen og 29 veker totalt på Topp 10.Norwegian Charts
Den første musikkvideoen til «Sailing» vart filma i Port of Dublin med Stewart og kjærasten Britt Ekland. Videoen vart send på Top of the Pops 28. august 1975. Ein annan musikkvideo vart filma i New York Harbor i 1978 og vart ein av dei førte musikkvideoane som vart sende på MTV den 1. august 1981.
Då den britiske styrken segla ut frå Portsmouth Harbour den 5. april 1982 på den tredje dagen av Falklandskrigen, så vart Rod Stewart sin «Sailing» send over høgtalaranlegget på kaien.
I 1987 gav Rod Stewart ut «Sailing» som ein veldedig singel etter Herald of Free Enterprise-ulukka utafor den flamske hamnebyen Zeebrugge, og vart ein liten hit i Flandern (24. plassen), Storbritannia (41. plassen) og Irland (30. plassen).
«Sailing» vert som regel alltid spelt som siste song på konsertane til Stewart.
Salslister
Liste (1975)PlasseringAustralia (Kent Music Report)2Belgia (VRT Top 30 Flandern) Hoogste notering in de top 30 : 1 1Canada (RPM 100 Singles)58Frankrike (SNEP) You have to use the index at the top of the page and search «Rod Stewart»47Ireland (IRMA) 2nd and 4th results when searching «Sailing»1Sør-Afrika (Springbok Radio)2UK (Official Charts Company)1US Billboard Hot 10058
Liste (1976)PlasseringItalia (FIMI) 8UK (Official Charts Company)3 Liste (1978)Plassering Liste (1987)PlasseringIrland (IRMA)30UK (Official Charts Company)41
Andre versjonar «Sailing» er òg blitt spelt av Joan Baez (album Blowin' Away/ 1977), Brotherhood of Man (album 20 Number One Hits/ 1980), the Nolan Sisters (album 20 Giant Hits/ 1978), Smokie, (album Uncovered Too/ 2002), Dame Vera Lynn, Robin Trower (album Long Misty Days/ 1976). og Roger Whittaker (album Roger Whittaker Sings the Hits/ 1978). Instrumentale versjonar av «Sailing» er blitt spelt inn av London Symphony Orchestra (album Classic Rock/ 1977) og Richard Clayderman (album A Little Night Music – 12 Classic Love Songs/ 1988).
Kjelder
Denne artikkelen bygger på «Sailing (Sutherland Brothers song)» frå , den 2. juni 2018. oppgav desse kjeldene:
Bakgrunnsstoff
Kategori:Songar frå 1972 Kategori:Singlar frå 1972 Kategori:Singlar frå 1975 Kategori:Singlar frå 1987 Kategori:Rockeballadar Kategori:Rod Stewart-songar Kategori:Nummer-ein-singlar i Storbritannia Kategori:Nummer-ein-singlar i Irland Kategori:Songar produserte av Tom Dowd Kategori:Songar produserte av Muff Winwood Kategori:Island Records-singlar Kategori:Warner Bros. Records-singlar Kategori:Joan Baez-songar Kategori:Smokie-songar Kategori:Roger Whittaker-songar Kategori:Richard Clayderman-songar