Edvard Ørbeck Natvig () var ein norsk friidrettsutøvar frå Voss som konkurrerte i mangekamp og høgdehopp.
Natvig var son til ein snikkar. Sjølv utdanna han seg til politimann og dreiv samstundes med friidrett. I 1929 tok han bronsemedaljen i høgdehopp under noregsmeisterskapen i Oslo, året etter vann han gullet i same øvinga ved noregsmeisterskapen i Bergen, i begge meisterskapane svinga han seg over 1,80 meter. I seinare noregsmeisterskap gjorde han det best i spjutkasting, vann NM-sølv både i 1933, 1935 og 1938, samt bronse i 1937.
Natvig var fyrst og fremst ein allsidig friidrettsutøvar og vart norsk meister i tikamp i 1934. I 1936 fekk han høve til å representere Noreg i tikampen under sommar-OL i Berlin, der han vart tiandemann i tevlinga.
Kjelder Norsk Allkunnebok. VIII. bandet. 1958
Kategori:Norske mangekjemparar Kategori:Norske høgdehopparar Kategori:Norske spydkastarar Kategori:Norske deltakarar under sommar-OL 1936 Kategori:Friidrettsutøvarar under sommar-OL 1936 Kategori:Folk frå Voss