Otto Friedrich Wilhelm von Hanno () var ein norsk teiknar og teatermålar. Han var son av arkitekten Carl Wilhelm von Hanno og Ingeborg Gjerdrum og soneson av arkitekten Wilhelm von Hanno. Systera hans, Lillian von Hanno, var hoffdame for dronning Maud, og var leiar for Marinens kvinnekorps under andre verdskrigen.
Biografi Otto von Hanno var gift to gongar. Det første ekteskapet var med Erna Wadel, kalla «Pus», som seinare vart ein kjend matskribent under namnet Pus Thaulow. Dei fekk sonen Carl Cato von Hanno saman i 1916. Noko år seinare tok ekteskapet slutt, og i 1927 gifta Otto von Hanno seg på nytt med Bergljot Gjems Selmer, kalla «Lillemor». Som Lillemor von Hanno vart ho eit kjent namn både som teater- og filmskodespelar og som forfattar. Otto von Hanno illustrerte fleire av bøkene hennar. Ekteskapet med Lillemor enda likevel også i skilsmisse.
Sonen Carl Cato hadde utdanna seg til flygar. Då andre verdskrigen braut ut, drog sonen til England for å delta i krigen på sida til dei allierte. Han vart instruktør i Little Norway, og fall i 1941.
Otto von Hanno hadde òg hatt ein militær karriere, og han var major i det norske forsvaret.Foredrag i Oslo Militære Samfund av Stephan Tschudi-Madsen om Otto von Hannos farfar
Kunstnerisk virke Otto von Hanno var ein kjend teatermålar, men verka òg som illustratør. Reklameplakaten hans Si-ko-fuglen frå 1926 vart i 1994 trykka opp i den såkalte Norsik Kalenderen 1995 saman med andre døme på norsk plakatkunst frå mellomkrigstida.
Bøkar illustrert av Otto von Hanno (utval)
Oplevet og hørt. Overtro og bjørnehistorier av Otto Schulz (1934) De og vi av Lillemor von Hanno (1936) Fjellet drar. Fiskerliv av Waldemar Kallevig (1936) Blindebukk av Lillemor von Hanno (1939) Dumme menn og troll til kjerringer av Lillemor von Hanno (1937) Det går et år av Lillemor von Hanno (1940) Soldatens syvende sans (1949) Å verge seg og sine – – utgjeve av Sivilforsvaret (1952)
Andre verk
Oslo Museum har eit flygel i den teaterhistoriske samlinga si som har tilhøyrt Aase Bye, og seinare Dag Frøland, og som er dekorert av Otto von Hanno.Fotografier og detaljopplysninger om flygelet i Oslo Museums nettgalleri Schous byggeri sin reklamefigur Ølbæreren skal ha vore teikna av Otto von Hanno; teikninga signerte han med sine initialar OVH.Auksjonskatalog på nettstedet www.skanfil.no, utropsnummer 2241 , nettstedet besøkt 4. april 2011 Posthornfrimerkene er teikna av von Hanno
Kjelder Denne artikkelen bygger på «Otto von Hanno» frå , den 15. oktober 2018.
Referansar
Kategori:Norske illustratørar Kategori:Norske kunstnarar