Mohammed bin Salman (arabisk محمد بن سلمان بين عبد العزيز آل سعود, Muḥammad bin Salmān bin ‘Abd al-‘Azīz Āl Su‘ūd) () er kronprins av Saudi-Arabia og forsvarsministeren i landet.Saudi Gazette 21 juni 2017 Han er òg sjef for det kongelege hoffet.
Bakgrunn Mohammed bin Salman er son av kong Salman bin Abdulaziz i hans tredje ekteskap med Fahda bint Falah bin Sultan. Han har ein bachelorgrad i rettsvitskap frå King Saud University. Han har tidlegare arbeidd i privat sektor, mellom anna som konsulent for ekspertkommisjonen i den saudiske regjeringa.
Kong Salman bin Abdulaziz utnemnde sin son Mohammed bin Salman til forsvarsminister og sjef for rådet for økonomi- og utviklingsspørsmål i april 2015. Han har gjort seg kjend for sine freistnader på å modernisera Saudi-Arabia med vestlege verdiar, til dømes fekk kvinner frå og med 24. juni 2018 lov til å køyra bil. Han har eit reformvenleg syn på landet, men har samtidig leia landet inn i eit hardare autoritært regime. Han vert skildra som makta bak sin far, kong Salman.
Mohammed bin Salman vart utnemnd til kronprins i juni 2017."Saudi Arabia Rewrites Succession as King Replaces Heir With Sønn, 31"https://www.nytimes.com/2017/06/21/world/middleeast/saudi-arabia-crown-prince-mohammed-bier-salmann.html. Mohammed bier Salmann named Saudi Arabia's crown
Han har vore gift med prinsesse Sara bint Mashour Al Saud sidan 2008, og saman har dei fire born.
Kontroversar Han er skulda for å skapa instabilitet i Midtausten, fordi han mellom anna set menneskerettsaktivistar i fengsel, militær intervensjon i Jemen, eskalering av den diplomatiske krisa mellom Saudi-Arabia og Qatar, og for å ha sette i gang ei ny diplomatisk krise med Libanon. I tillegg har han arrestert medlemmar av den saudiske kongefamilien i november 2017.
Han er òg skulda for for å ha gitt ordre til drapet på journalisten Jamal Ahmad Khashoggi.
Kjelder
Denne artikkelen bygger på «Mohammed bin Salman» frå , den 15. oktober 2018.
Kategori:Saudiarabiske kongelege