Ein militærattaché er ein offiser, som regel med graden oberst, som er knytt til ein ambassade eller ein internasjonal organisasjon (t.d. NATO) og som har diplomatstatus. Militærattaché er ei fagleg stilling med ansvar for militære spørsmål. Funksjonen som militærattaché oppstod som fast ordning tidleg på 1900-talet. Personane som har denne funksjonen vert rekrutterte frå militærvesenet i sitt eige land og er dermed som oftast ikkje yrkesdiplomatar. Ofte går dei tilbake til militære stillingar i heimlandet sitt utan diplomatisk status etter å ha vore militærattaché.
Tilsvarande nemningar er forsvarsattaché, hærattaché og marineattaché.
Norske forsvarsattachear Noreg har forsvarsattachear ved tolv militære misjonar i utlandet.
Forsvarsattaché i Finland (Helsingfors) Forsvarsattaché i Frankrike (Paris) med sideakkreditering til Spania Forsvarsattaché og assisterande attaché i Italia (Roma) med sideakkreditering til Slovenia, Bulgaria, Romania Forsvarsattaché og assisterande attaché i Latvia (Riga) med sideakkreditering til Estland, Litauen Forsvarsattaché i Nederland (Haag) med sideakkreditering til Belgia, Luxembourg Forsvarsattaché i Polen (Warszawa) med sideakkreditering til Tsjekkia, Slovakia, Ungarn Forsvarsattaché i Russland (Moskva) og assisterande attaché med sideakkreditering til Hviterussland, Ukraina, Kirgisistan, Tadsjikistan, Usbekistan, Kasakhstan Forsvarsattaché i Storbritannia (London) med sideakkreditering til Irland Forsvarsattaché i Sverige (Stockholm) Forsvarsattaché i Tyrkia (Ankara) Forsvarsattaché i Tyskland (Berlin) med sideakkreditering til Sveits, Austerrike Forsvarsattaché og to assisterande attachear i USA (Washington D.C.) med sideakkreditering til Canada
Sjå òg
Attaché
Kjelder Denne artikkelen bygger på «Militærattaché» frå , den 13. oktober 2018.
Bakgrunnsstoff
Om Militærattaché, frå Store norske leksikon Kategori:Diplomati Kategori:Militære gradar Kategori:Titlar