mini|Jacob Ellehammer som halemotiv på eit Norwegianfly
Jacob Christian Hansen Ellehammer () var ein dansk urmakar, oppfinnar, finmekanikar og flypioner.
Ellehammer arbeidde med å utvikla lette bensinmotorar for motorsyklar, men rundt 1903 byrja han å eksperimentera med ein lett motor for eit fly. Det første flyet hans var ferdig i 1905, men den første prøveflyginga vart gjort først i 1906. Desse forsøka føregjekk utan pilot. Flyet var festa med eit reip til ein påle og flyet vart styrt med liner. Flyging kunne berre føregå i sirklar.
Seinare på året vart flyet bygd om. Det fekk ein sterkare motor og ytterlegare eit vengepar vart festa til flykroppen. Den 12. september 1906 gjennomførte den 35-årige Ellehammer den første verkeleg motorflyginga i Europa. Flyet steig til ei høgd på ca. 50 cm, og landa etter 42 meters flukt. Om dette er den første flyginga i Europa er usikkert sidan franskmannen Clément Ader gjorde eit liknande forsøk 9. oktober 1890.
Totalt tok Ellehammer ut 400 patent. Ved femtiårsdagen for flyginga til Ellenhammer i 1956 kom det ut eit dansk minnefrimerke for Ellehammer.
Kjelder Denne artikkelen byggjer på Jacob Ellehammer frå Wikipedia på bokmål, utgåva frå 6. oktober 2018
Bakgrunnsstoff Jacob Christian Hansen Ellehammer (1871-1946) Jacob Christian Hansen Ellehammer, Store norske leksikon
Kategori:Danske oppfinnarar Kategori:Luftfartspionerar Kategori:Folk frå Vordingborg