The Monsanto Years er det 39. albumet til den kanadiske musikaren Neil Young, spelt inn i lag med den amerikanske rockegruppa Promise of the Real og gjeve ut 29. juni 2015 på Reprise Records. Det er eit konseptalbum som kritiserer jordbruksføretaket Monsanto. Promise of the Real er fronta av sonen til Willie Nelson, Lukas, og broren til Lukas, Micah, spelar òg på albumet.

Albumet vart produsert av både Young og John Hanlon og innspelingsprosessen vart filma.

Innspeling og utgjeving Young hadde eit langvarig venskap med Willie Nelson og sønene hans, Lukas og Micah og jamma med bandet til Lukas i Lukas Nelson & Promise of the Real etter Farm Aid i 2014. Innspelinga for dette albumet i januar året etter. Young annonserte at han spelte inn eit album med bandet - inkludert Micah Nelson, som ikkje var medlem av bandet - i ein gammal kino, Teatro, i Oxnard i California. Dette var same staden som Willie Nelson spelte inn Teatro. Young sendte ein CD til bandet med demoar slik at dei kunne lære seg songane før dei kom for å spele dei inn i lag.

Innspelinga vart filma av Don Hannah i lag med live-øvingar i april 2015 for ein film som òg fekk namnet The Monsanto Years.

Musikkvideoen for «Wolf Moon» hadde premiere den 10. juni 2015.

Mottaking

Mottaking I ei særs positiv melding for The Guardian gav Jon Dennis albumet fem av fem stjerner. Han hylla bidraga frå Promise of the Real og skreiv: «Bandet høyrest ikkje så forskjellig ut frå Crazy Horse, og bidreg med store riff, styrtande dur-akkordar og harmoniar som har karakterisert dei beste platene til Young dei siste fem tiåra» Zach Schonfeld i The A.V. Club gav albumet karaktere «C» og meinte konseptet og utføringa var «underprodusert, uferdig og kjem truleg ikkje til å ta opp meir enn eit par månader med marknadsføring av Young før han går vidare til neste prosjekt». Han meinte derimot det var nokre høgdepunkt blant dei hardare songane.

Sal Albumet debuterte på 21. plassen på Billboard 200 den første veka det kom ut, og selde kring 98 000 eksemplar i USA den første veka. Det gjekk òg inn på fjerdeplassen på Billboard's Rock Albums-lista. og andreplassen på Folk Albums-lista. I juni 2016 hadde albumet selt 300 000 eksemplar i USA.

Innhald

Medverkande Neil Young – vokal, gitar, produsent, platedesign Anthony Logerfo – trommer, platedesign Corey McCormick – bassgitar, korvokal, platedesign Tato Melgar – perkusjon, platedesign Lukas Nelson – gitar, korvokal, platedesign Micah Nelson – elektrisk gitar, elektrisk charango, korvokal, måleri, DVD-kunst, platedesign

Teknisk personell Johnnie Burik – assisterande lydteknikar Alberto Hernandez – assisterande lydteknikar John Hanlon – produsent, lydteknikar John Hausmann – scene- og monitorteknikar Chris Kasych – scene- og monitorteknikar Keith «Moby» Lanoux – gitarteknikar Bob Ludwig – mastering Jeff Pinn – lydteknikar Jimmy Sloan – assisterande lydteknikar, produksjonskoordinering

Plateomslag Gary Burden – kunstnarisk leiar Howard Chandler Christy – måleri i heftet Jenice Heo – kunstnarisk leiar Eric Johnson – kunst, lettering Other Shoe Fotografi – fotografi

Salslister Liste (2015) Plassering Australia (ARIA) 23

Kjelder Denne artikkelen bygger på «The Monsanto Years» frå , den 19. mars 2019.

Kategori:Musikkalbum frå 2015 Kategori:Neil Young-album Kategori:Album produserte av Neil Young Kategori:Reprise Records-album Kategori:Konseptalbum Kategori:Album produserte av John Hanlon