Malkit Singh () er ein panjabisk bhangrasongar som er særleg kjend for songane «Gur Nalo Ishq Mita», «Tootak Tootak Tootiyan», «Kurri Garam Jayee» og «Chal Hun». Vestlege lyttarar kjenner gjerne Singh att for songen «Jind Mahi» frå lydsporet til Bend It Like Beckham.
Da Malkit Singh var berre fire år gammal, vart han teken opp ved ein skule for seksåringar. Sidan den tid har han alltid hatt eit forsprang på konkurrentane sine, og han har teke den karakteristiske panjabiske bhangramusikken til nye, tidlegare uutprøvde felt. Arbeidet hans er prega av crossover, og han har kombinert den panjabiske kvardagslege bhangraen med rapmusikk og house, så vel som meir tradisjonell musisering i hindifilmar. Singh reknar Nusrat Fateh Ali Khan som éin av mentorane sine.
Singh og bandet hans, Golden Star, har turnert i 27 land.
Prisar og anerkjenning Oppført i 2000-utgåva av Guinness Book of World Records som den aller mest seljande bhangraartisten nokonsinne. I 1997 fekk han Recognition frå byen Los Angeles for arbeidet sitt for det indiske samfunnet der. I 2001 fekk Singh den 27. Convocation Gold Medal Award Doctorate frå Guru Nanak University.
Diskografi 1986 – Nach Gidde Vich 1987 – I Love Golden Star 1988 – Put Sadaren De 1988 – Chott Nigary Lawo 1988 – Up Front 1989 – Fast Forward 1989 – Hai Shava 1990 – Dhotakada Bai Dhotakada 1991 – Ragga Muffin Mix 1991 – Gal Sun Ja 1992 – Tere Ishq Nachiyanv 1992 – Singho Ho Jo Kathe 1993 – Chak De Dholia 1994 – Midas Touch 1995 – Forever Gold 1997 – Akh Larr Gayee 1999 – Malkit Millennium Mixes “Kini Sohni” 2000 – Nach Nach 2000 – Kudi Patole Wargi 2000? – Murh Watna Nu Jana 2001 – Paaro 2001 – Mighty Boliyan 2003 – Midas Touch II 2005 – 21st Chapter Nachna Aaj Nachna 2009 – Billo Rani 2014 – Sikh Hon Da Maan 2017 – Midas Touch 3
Kjelder
Denne artikkelen bygger på «Malkit Singh» frå , den 21. desember 2018.
Bakgrunnsstoff Offisiell nettstad Interview med Singh på IndianJ.com
Kategori:Bhangra Kategori:Panjabiar Kategori:Sikhar