Olav Berner Vik () var ein norsk lyrikar frå Etne.
Alt som syttenåring skreiv han forteljingar både på vers og prosa, og debuterte med diktsamlinga Hjartemål i 1941. Til saman gav han ut 4 diktsamlingar, og skreiv elles mellom anna i Unglyden, Nynorsk Vekeblad og Haugesunds Avis, både dikt og prosa. Han har tala på mange markeringar i bygda og omegn, og mange av prologane og helsingane hans er samla i festskriftet Etne mållag laga i samband med 70-årsdagen hans i 1980, I lyd og lag med Olav Vik.
Han har jobba som revisor i Etne Sparebank og var tilsett som skogreisingsleiar i Etne 1947-1958. Han tok over familiegarden på Osnes i Etne i 1957. Han fekk etter kvart omregulert området til friluftsområde og ved sin død testamenterte han eigedommane sine på Osnes til friluftsformål gjennom Olav Vik-stiftelsen.
Bibliografi 1941 – Hjartemål (Oslo: Fonna. Diktsamling) 1948 – Tuva og tårnet (Oslo: Fonna. Diktsamling) 1978 – På ei strand (Oslo: Fonna. Diktsamling) 1979 – Når ufødde talar (Oslo: Fonna. Diktsamling)
Kjelder På ei strand av Olav Vik (Oslo: Fonna Forlag, 1978). I lyd og lag med Olav Vik. Festskrift til 70-årsdagen 12. januar 1980 (Etne mållag, 1980). «Friluftsområdet Osnes » hjå Olav Vik-stiftelsen, innhenta 16. juni 2020.
Kategori:Nynorskforfattarar Kategori:Forfattarar frå Hordaland Kategori:Norske lyrikarar Kategori:Folk frå Etne Kategori:Norske skjønnlitterære debutantar i 1941 Kategori:Norske gardbrukarar frå 1900-talet