«Wonderful Land» er ein instrumental skriven av Jerry Lordan og spelt inn og gjeven ut på singel av The Shadows i 1962. Instrumentalen låg på toppen av den britiske singellista i åtte veker.
Lordan hadde tidlegare skrive den særs populære «Apache» for The Shadows i 1960, og «Wonderful Land» vart spelt inn i mai 1961 av den originale besetninga til The Shadows med Hank Marvin, Bruce Welch, Jet Harris og Tony Meehan. Strykarane vart lagt til seinare av produsenten Norrie Paramor. Då songen kom ut hadde Tony Meehan slutta i gruppa og vart blitt erstatta av Brian Bennett, som var medlåtskrivar på B-sida, «Stars Fell on Stockton». Gruppa var i ein overgangsperiode, og då songen låg på toppen av lista hadde Jet Harris slutta og blitt erstatta av Brian Locking.
Salslister Instrumentalen vart gjeven ut i februar 1962 og nådde toppen av den britiske singellista, der han låg dei neste åtte vekene, noko berre The Archies, Shadows & Elvis Presley klarte gjennom heile 1960-åra - inkludert alle singlane The Beatles hadde på toppen av lista. Songen kom òg i USA på Atlantic Records, men gjekk ikkje inn på Billboard Top 100.
Liste(1962) Plassering UK Singles Chart 1 Australia 2 Belgia (W) 13 Tyskland 23 India 9 Irish Singles Chart 1 Israel 1 Italia 12 Nederland 2 New Zealand 1 Noreg 2 Sør-Afrika 1 Sverige 6
Andre versjonar «Wonderful Land» er blitt spelt av mange andre artistar, som Mike Oldfield, Mark Knopfler og Tony Iommi. Iommi sin versjon kom ut på Twang!: A Tribute to Hank Marvin & the Shadows.
Mike Oldfield-versjonen
Den engelske musikaren Mike Oldfield spelte inn «Wonderful Land» i 1980 på albumet QE2. Versjonen hans kom ut på singel med «Sheba» som B-side i somme land, medan sidene på singelen i andre land var snudd. The Shadows spelte seinare inn Oldfield-songen «Moonlight Shadow».
I musikkvideoen til «Wonderful Land» spelar Oldfield ei rekkje forskjellige instrument, mellom fiolin.
Hank Marvin- og Mark Knopfler-versjonen Dei to gitaristane Hank Marvin (frå The Shadows) og Mark Knopfler (frå Dire Straits) spelte inn ein versjon av «Wonderful Land» i 1993 på albumet Heartbeat, produsert av Jeff Lynne.
Kjelder
Denne artikkelen bygger på «Wonderful Land» frå , den 29. juni 2020. oppgav desse kjeldene:
Kategori:Songar frå 1962 Kategori:Singlar frå 1962 Kategori:Singlar frå 1980 Kategori:Songar skrivne av Jerry Lordan Kategori:The Shadows-songar Kategori:Instrumentalar frå 1960-åra Kategori:Columbia Graphophone Company-singlar Kategori:Virgin Records-singlar Kategori:Songar produserte av Norrie Paramor Kategori:Nummer-ein-singlar i Storbritannia Kategori:Nummer-ein-singlar i Irland Kategori:Nummer-ein-singlar i Israel Kategori:Nummer-ein-singlar i New Zealand Kategori:Nummer-ein-singlar i Sør-Afrika Kategori:Mike Oldfield-songar Kategori:Mark Knopfler-songar Kategori:Hank Marvin-songar