«Mittageisen» er ein song av det engelske rockebandet Siouxsie and the Banshees. Han kom ut på debutalbumet deira The Scream i 1978 som «Metal Postcard (Mittageisen)». Songen vart spelt inn på ny i 1979, denne gongen med tekst på tysk, og gjeven ut på singel i Vest-Tyskland med «Love in a Void» som B-side. Seinare i september det året vart singelen gjeven ut i Storbritannia av plateselskapet Polydor.
Innhald og omslag Tittelen «Mittageisen» er eit ordspel basert på dei tyske orda «Mittagessen» (middag eller lunch) og Eisen («jarn»). Tittelen var inspirert av fotocollagen til den antinazistiske tyske kunstnaren John Heartfield kalla Hurrah, die Butter ist Alle! som òg vart nytta som omslag til singelen.
Denne fotocollagen vart først nytta på framsida av det tyske magasinet Arbeiter-Illustrierte-Zeitung den 19. desember 1935. Kunstnaren var eit tidleg medlem av Club Dada, som vart skipa i 1916 av Cabaret Voltaire i Zürich. Biletet med tittelen «Hurrah, die Butter ist Alle! / Hurra, smøret er ferdig!» syner ein familie som et forskjellige bitar av metall. Årsaka til biletet var eit sitat frå Hermann Göring: «Jarn gjer alltid ein nasjon sterk, smør og smult gjer berre folk feite».
Låtskriving og innspeling «Mittageisen» vart skriven av Siouxsie Sioux, John McKay, Kenny Morris og Steven Severin. Teksten vart omsett til tysk av manageren Dave Woods og ei kvinne kalla Renate. Singelenv ar dedisert til John Heartfield.
B-sida, «Love in a Void», vart skriven av Severin og den tidlegare Banshees-gitaristen Peter Fenton. Sporet var ein tidleg konsertfavoritt og var den første songen dei spelte for John Peel, spelt inn seint i november 1977. «Love in a Void» var ikkje blitt spelt inn for Polydor før han vart gjeven ut.
Utgjeving «Mittageisen» kom ut i september 1979 som ein singel i Storbritannia på Polydor Records. Plata vart marknadsført som ei dobbel A-side då han kom ut, men berre «Mittageisen» gjekk inn på UK Singles Chart, der han nådde 47. plassen. Likevel var det «Love in a Void»—men ikkje «Mittageisen»—som vart med på samleplata Once Upon a Time: The Singles i 1981, som bestod av alle A-sidene deira til då, og på den seinare ommastra utgåva av Join Hands. «Mittageisen» kom seinare ut på B-side-samlinga Downside Up.
I popkulturen «Mittageisen» vart både covra og sampla av Massive Attack som «Superpredators (Metal Postcard)» i 1997 for filmmusikken til filmen The Jackal.
B-sida «Love in a Void» vart kraftig sampla av rapperen Akala i ein versjon kalla «Love in my Eyes» på albumet Freedom Lasso i 2007. «Love in a Void» vart òg spelt av metal-bandet Darkthrone på EP-en Too Old Too Cold i 2006, og vart nytta i filmen 20th Century Women i 2016.
Innhald Alle spor produserte av Nils Stevenson og Mike Stavrou.
Medverkande Siouxsie and the Banshees Siouxsie Sioux John McKay Kenny Morris Steven Severin
Teknisk Nils Stevenson – produsent Mike Stavrou – produsent
Salslister Liste (1979) Plassering
Kjelder
Denne artikkelen bygger på «Mittageisen» frå , den 12. august 2020. oppgav desse kjeldene:
Kategori:Songar frå 1978 Kategori:Singlar frå 1979 Kategori:Polydor Records-singlar Kategori:Siouxsie and the Banshees-songar Kategori:Songar skrivne av John McKay Kategori:Songar skrivne av Kenny Morris Kategori:Songar skrivne av Siouxsie Sioux Kategori:Songar skrivne av Steven Severin