Patrick Anthony Jennings () er ei nordirsk tidlegare fotballmålvakt. Han spelte 119 landskampar for Nord-Irland over ein periode på 22 år. Jennings deltok i over 1000 kampar på toppnivå.
Aktiv Klubbspel Jennings vakta målet til tredjedivisjonslaget Watford FC i 1963/64-sesongen. Sommaren 1964 vart han overført til Tottenham Hotspur mot 27 000 pund. Dei neste 13 åra var han målvakt i 591 obligatoriske klubbkampar for London-laget. Han var med om å vinne FA-cupen 1967, ligacupen 1971, UEFA-cupen 1972 og ligacupen 1973.
I august 1977 vart Jennings overført til byrival Arsenal FC, eit lag som sigra i FA-cupen 1979 med 3-2 over Manchester United, men elles gjekk på finaletap i FA-cupen 1978, FA-cupen 1980 og Cupvinnarcupen 1980. 26. februar 1983 vart han den fyrste spelaren i engelsk fotball med 1000 offisielle kampar. Han la opp i 1986.
Landslagsspel Jennings landslagsdebuterte 15. april 1964 då Nord-Irland på bortebane vann 3-2 over Wales. Han spelte alle fire kampane til Nord-Irland under VM i fotball 1982 og alle tre kampane i Fotball-VM 1986. I sin aller siste fotballkamp, 12. juni 1986 i Guadalajara mot Brasil, måtte Jennings hente ballen or nettmauskane tre gongar, hans eigne landslagskameratar makta ikkje skåre.
Merittar Vinnar av UEFA-cupen: 1972 med Tottenham Vinnar av FA-cupen: 1967 med Tottenham og 1979 med Arsenal FC Vinnar av den engelske ligacupen: 1971 og 1973 med Tottenham Vinnar av den britiske meisterskapen: 1980 og 1984 for Nord-Irland
Kjelder
Denne artikkelen bygger på «Pat Jennings» frå , den 8. september 2020. eu-football
Kategori:Nordirske fotballspelarar Kategori:Tottenham-spelarar Kategori:Arsenal-spelarar Kategori:Watford-spelarar Kategori:Spelarar i Fotball-VM 1982 Kategori:Spelarar i Fotball-VM 1986