Pickin' Up the Pieces er debutalbumet til det amerikanske countryrockbandet Poco, gjeve ut i 1969. Det var eit av dei første albuma med countryrock. Fleire av songane her er datert attende til dagane då Richie Furay spelte i Buffalo Springfield. Ei tidleg utgåve av «What a Day» kom ut i den sjølvoppkalla plateboksen til Springfield i 2001.
Bassisten Randy Meisner speler på albumet, men slutta i bandet før albumet kom ut. Meisner vart sint då Furay nekta han å få høyre på den ferdige miksen av albumet, sidan det berre var Messina og Furay som hadde arbeidd med å mikse det. Biletet av Meisner vart fjerna frå plateomslaget og erstatta av ein hund lengst til venstre på biletet. Bass-spelinga og korvokalen hans vart verande att i miksen, men solovokalen hans vart fjerna og erstatta med vokalen til George Grantham.
Mottaking
I meldinga si for Allmusic kalla Bruce Eder albumet «ei oppsiktsvekkjande god plate, like meisterleg som nokre av platene til Buffalo Springfield, og kan samstundes minne om The Beatles og The Byrds. Blandinga av feststemde songar, kjappe instrumentalar, og den generelle rosenraude kjensla, gjer dette til ein flott introduksjon til bandet, i tillegg til eit landemerke for countryrocken, men likevel ikkje like viktig (men utan tvil meir morosam enn) Sweetheart of the Rodeo.» Robert Christgau skreiv «Fint og lukkeleg, men skuffande med tanke på kven som speler på albumet.»
Innhald
Medverkande Jim Messina – akustisk og elektrisk 6-strengsgitar, korovokal og solovokal (10) Richie Furay – 12-strengsgitar, solovokal (1-3, 6, 8, 11-14) og korvokal Rusty Young – steelgitar, banjo, dobro, gitar, piano Randy Meisner – bassgitar, korvokal George Grantham – trommer, korvokal, solovokal (4, 5, 7) Bobby Doyle – piano Milt Holland – perkusjon
Produksjon Produsent: Jim Messina Lydteknikar: Terry Donovan Arrangør: Nick DeCaro Fotografi: Frank Bez
Kjelder
Denne artikkelen bygger på «Pickin' Up the Pieces (Poco album)» frå , den 11. oktober 2020. oppgav desse kjeldene:
Kategori:Poco-album Kategori:Debutalbum frå 1969 Kategori:Album produserte av Jim Messina Kategori:Epic Records-album Kategori:Plateomslag av Drew Struzan