«Peg» er ein song av det amerikanske jazzrockbandet Steely Dan, først gjeven ut i 1977 på albumet Aja. Songen kom ut på singel i 1977 og nådde 11. plassen på den amerikanske Billboard-lista i 1978 og åttandeplassen på Cash Box-lista.[ Steely Dan USA chart history], Billboard.com. Henta 10. januar 2021. Han låg 19 veker inne på lista, like lenge som «Rikki Don't Lose That Number» og «Hey Nineteen», to andre singlar av Steely Dan. I Canada låg «Peg» tre veker på sjuandeplassen i mars 1978.
AllMusic-kritikaren Stephen Thomas Erlewine skildra «Peg» som «solskins-pop» med «lag av jazza vokalharmoniar», medan musikkeksperten Stephen K. Valdez kalla det ein blanding av jazz og rock.
Det var fleire studiogitaristar som prøvde seg på gitarsoloen, inkludert Robben Ford og Larry Carlton, før det vart versjonen til Jay Graydon som vart nytta til slutt. Han arbeidde på songen i kring seks timar før bandet var nøgd.
Michael McDonald syng korvokal på refrenget og ein kan høyre klaverspelaren Paul Griffin snakke og improvisere korvokal på det siste refrenget og uttoninga av songen.Classic Albums DVD: Aja
Pitchfork kåra «Peg» til den 87. beste songen frå 1970-åra, og skildra det som «den perfekte Steely Dan-songen og ein av dei raraste hittane som nokon gong har nådd så høgt.» Trommeslagaren Rick Marotta meinte «Peg» var ein av dei beste songane han nokon gong hadde spelt på.
«Peg» vart kraftig sampla i 1989 på De La Soul-songen «Eye Know». I 2007 vart songen spelt av Nerina Pallot og i 2014 av Donny Osmond.
Salslister
Vekeslister Liste (1977–78)PlasseringUS Billboard Hot 10011US Billboard Adult Contemporary 30US Cash Box Top 100Cash Box Top 100 Singles, 11. mars 19788Canadian RPM Top Singles7
Årslister Liste (1978)PlasseringUS Billboard Hot 10062Canada67
Medverkande Donald Fagen – solovokal Michael McDonald – korvokal Jay Graydon – sologitar Steve Khan – rytmegitar Paul Griffin – Fender Rhodes elektrisk piano, korvokal Don Grolnick – clavinet Chuck Rainey – bassgitar Rick Marotta – trommer Victor Feldman, Gary Coleman – perkusjon Tom Scott – lyriconOriginal 1977 Album liner notes
Kjelder
Denne artikkelen bygger på «Peg (song)» frå , den 15. januar 2021. oppgav desse kjeldene:
Bakgrunnsstoff
Kategori:Singlar frå 1977 Kategori:Songar frå 1977 Kategori:Steely Dan-songar Kategori:Songar skrivne av Donald Fagen Kategori:Songar skrivne av Walter Becker Kategori:ABC Records-singlar Kategori:Songar produserte av Gary Katz Kategori:Michael McDonald-songar Kategori:Donny Osmond-songar