Silje Therese Reiten Nordnes () er ein norsk journalist og programleiar i radio og tv. Frå 2012 til 2019 var ho programleiar for radioprogrammet P3morgen på NRK P3 saman med Ronny Brede Aase og Markus Neby. Hausten 2020 og 2021 var Nordnes programleiar for Maskorama.
Bakgrunn Nordnes vart fødd i Trondheim og voks opp på Hamarøy. Ho har ein bachelorgrad i latinamerikanske studium frå UiO og har studert journalistikk på Høgskulen i Volda. Før Nordnes starta i NRK P3 jobba ho i Radio Nova og NRK Nordland. Ho har òg jobba som guide ved barndomsheimen til Knut Hamsun og på Spar Hamarøy. Våren 2017 var Nordnes programleiar for fiskerealityprogrammet Skårungen, som vart sendt på NRK1.
Nordnes har som programleiar i P3morgen vunne fleire prisar på Prix Radio, blant anna «Årets programleiar/programleiarteam» i 2014 og 2015.
I 2014 var Nordnes, saman med kollegaen Ronny Brede Aase, programleiar for VG-lista topp 20 på Rådhusplassen i Oslo. I 2015 og 2016 var dei sidekick-programleiarar i pausane.
Nordnes har òg vore programleiar for P3aksjonen på NRK P3 i 2012–2017 saman med høvesvis Ronny Breie Aase, Live Nelvik, Mathias Nylenna, Niklas Baarli og Tuva Fellman. 9. juni 2016 sykla ho Nordsjørittet saman med P3-kollega Tuva Fellman for å støtta TV-aksjonen 2015, som gjekk til Regnskogfondet.
Etter terroråtaket i Orlando 12. juni 2016 delte ho kjenslene sin rundt hendinga under sending og tok til tårene på direktesend radio. Innslaget vart filma og delt på Facebook-sida til P3morgen. Klippet fekk massiv merksemd og vart delt over 80 000 gonger på éin time. Fleire riksdekkjande avisar og nettavisar skreiv om hendinga, blant anna VG og Dagsavisen. Innslaget vart kåra til årets radioaugneblikk 15. september 2017.
Deltakingar på radio og fjernsyn Radio 2012–2019: P3morgen, NRK P3, programleiar 2020: Koselig, NRK P3, programleiar
Fjernsyn 2012–2017: P3aksjonen, programleiar 2013–2019: P3morgens store Eurovision-fest, programleiar 2013: Masterchef Norge, deltakar 2017: Skårungen, programleiar 2017: 4-stjerners middag, deltakar 2018: Jorden rundt på 6 steg, deltakar 2020: 4-stjerners middag, deltakar 2020–2021: Sommeråpent, programleiar 2020–2021: Maskorama, programleiar 2021: Melodi Grand Prix, programleiar 2021: Eit feitt liv, seg sjølv 2021: Kim Friele – homokampens førstedame, programleiar 2025: 20-stjerners sommerferie, programleiar
Kjelder
Denne artikkelen bygger på «Silje Nordnes» frå , den 9. november 2021.
Kategori:Folk frå Hamarøy Kategori:Norske journalistar Kategori:Programleiarar for NRK Kategori:Melodi Grand Prix-programleiarar