Erling Bergithon Bangsund () var ein norsk fagforeiningsmann og politikar for Tromsø Arbeidarparti.
Bangsund var opphavleg bryggemann og vart seinare mellom anna styreformann i Tromsø Ferjer.
I meir enn 20 år var han formann i Tromsø Arbeiderforening, og han sat òg i Tromsø bystyre i ei årrekkje. Bangsund var varaordførar i Tromsø i 1928, 1933 og 1934. Frå 1955 og utover 60-talet jobba Tromsø Arbeiderforening på hans initiativ med å laga friluftsområdet Hella ved Rystraumen, og flytte truga bygningar frå Tromsø by ut dit for å ta vare på dei.
I 1952 fekk han Kongens fortenestemedalje og i 1967 Kongens fortenestemedalje i gull. Erling Bangsunds plass i Tromsø sentrum er oppkalla etter han.
Kjelder
Bakgrunnsstoff Avisa Tromsø. (8. februar 1975). Erling Bangsund fyller 85 år – Mangfoldighetens tusenkunstner. s. 2.
Kategori:Norske fagforeiningsleiarar Kategori:Ap-politikarar i Troms Kategori:Folk frå Tromsø