«Last Dance» (norsk 'siste dans') er ein gresk song frå 2021 som vert framført av den nederlandsk-fødde songaren Stefania Liberakakis. Songen er skriven av Dimitris Kontopoulos, Arcade og Sharon Vaughn. «Last Dance» vart utgjeven 10. mars 2021 og var det greske bidraget til Eurovision Song Contest 2021 i Rotterdam i Nederland.
Om songen Stefania skulle ha representert Hellas i Eurovision Song Contest 2020 med songen «Superg!rl», etter å ha vorte internt vald av den greske kringkastaren ERT, men på grunn av koronaviruspandemien vart tevlinga avlyst. ERT vedtok at Stefania i staden skulle få representere landet i Eurovision Song Contest i 2021.
Bak songen står det same låtskrivarlaget som skreiv «Superg!rl». Songen er komponert av låtskrivaren og produsenten Dimitris Kontopoulos, saman med gruppa Arcade. Dei har skrive teksta saman Sharon Vaughn som skreiv det russiske bidraget til 2019, «Scream» med Sergej Lazarev. Kontopoulos har òg skrive fleire andre Eurovision-bidrag, blant anna det kviterussiske bidraget til 2007, «Work Your Magic» med Dzmitry Kaldun.
Tittelen på songen vart offentleggjord 7. januar 2021. Låten vart sloppen for digital nedlasting og strøyming 10. mars. Same dag kom òg musikkvideoen til songen, som var regissert av Kostas Karydashas.
Eurovision Song Contest Hellas deltok i den andre semifinalen som vart arrangert i Rotterdam Ahoy torsdag 20. mai 2021. Der kom «Last Dance» på sjetteplass med 184 poeng og kvalifiserte seg til finalen laurdag 22. mai. I finalen var låten det tiande bidraget ut på scena av 26 deltakarar. Låten fekk til saman 170 poeng frå juryane og sjåarane og enda på ein tiandeplass – det beste resultatet til Hellas sidan sjetteplassen i 2013.
Kunstnarisk sjef for songen og framsyninga var . Han har stått bak fleire Eurovision-nummer, blant andre vinnarframsyninga til Elena Paparizou i 2005 og vinnarframsyninga til Dima Bilan i 2008. Med seg på scena hadde Stefania fire dansarar: , , og Kostas Pavlopoulos.
Listeplasseringar Liste (2021)Høgaste plasseringBelgia (Ultratip Flandern)30Hellas (IFPI Greece)24Island (Tónlistinn)36Litauen (AGATA)35Nederland (Single Top 100)45Storbritannia (UK Download)75Sverige (Sverigetopplistan)79
Kjelder
Denne artikkelen bygger på «Last Dance (Stefania-sang)» frå , den 17. desember 2021.
Kategori:Greske Eurovision Song Contest-songar Kategori:Eurovision Song Contest 2021-songar Kategori:Engelskspråklege Eurovision Song Contest-songar