«Amar pelos dois» ('å elske for oss begge') er ein portugisisk ballade som vert framført av Salvador Sobral. Songen er skriven av systera hans, Luísa Sobral. I mars 2017 vann «Amar pelos dois» den portugisiske songtevlinga Festival da Canção og vann deretter Eurovision Song Contest 2017 – den fyrste sigeren til Portugal i Eurovision Song Contest. Songen er ein roleg jazzinspirert kjærleiksballade. Teksta handlar om tapt kjærleik, og songaren sitt søk etter å finna henne. Til slutt konkluderer han med at «mitt hjarte kan elske for oss begge».
Eurovision Song Contest I Eurovision Song Contest vann «Amar pelos dois» den fyrste semifinalen tysdag 9. mai 2017 og kvalifiserte seg dimed seg til finalen laurdag 11. mai. Der var «Amar pelos dois» det ellevte bidraget ut på scena og vann til slutt ein klår siger hos både juryane og sjåarane. Portugal fekk til saman 758 poeng, 143 poeng meir enn andreplassen Bulgaria. Dette var den fyrste sigeren til Portugal og sette ein stoppar for ei rekordlang deltaking utan ein førsteplass i Eurovision Song Contest. Den beste plasseringa til Portugal før sigeren var ein sjetteplass med songen «O meu coração não tem cor» i 1996.
Listeplasseringar ListeHøgaste plassering, Flandern (Ultratop)30, Vallonia (Ultratip)8 (Billboard Digital)4 (Euro Digital Songs)13 (Latauslista)1 (SNEP)4 (Billboard Digital)5 (RÚV)1 (HRT)19 (Billboard Digital)3 (Single Top 100)35 (Billboard Digital)3 (AFP)1 (Billboard Digital)1 (Official Charts Company)37 (PROMUSICAE)35 (UK Singles Chart)97 (Schweizer Hitparade)6 (Sverigetopplistan)33 (Offizielle Deutsche Charts)43 (Single Top 40)8 (Ö3 Austria Top 40)22
Referansar
Denne artikkelen bygger på «Amar pelos dois» frå , den 29. desember 2021.
Kategori:Eurovision Song Contest-vinnarsongar Kategori:Portugisiske Eurovision Song Contest-songar Kategori:Eurovision Song Contest 2017-songar Kategori:Portugisiskspråklege Eurovision Song Contest-songar