Myggblom (Hammarbya paludosa) er ei plante i myggblomslekta Hammarbya i orkidéfamilien (marihandfamilien) Orchidaceae.
Utsjånad Myggblom er ei lita plante, som kan bli om lag 20 centimeter høg. Planta har gulgrøne blomar i eit smalt aks og to til fire blad nær bakken.
Systematikk Myggblom var tidlegare plassert i knottblomslekta med namnet Malaxis paludosa, men er seinare skild ut som den einaste arten i planteslekta Hammarbya.
Utbreiing I Noreg veks myggblom på våte myrer i låglandet, mest rundt Oslofjorden, men elles spreidd langs kysten og nordover heilt til Troms. Planta står på Norsk raudliste for artar (2021) som nær truga (NT).
Arten finst òg i Sverige (status LC, svensk namn myggblomster), i Danmark (EN, dansk namn hjertelæbe), i Finland (NT) (finsk namn suovalkku) og på Færøyane (CR, sera sjáldsom, færøysk namn vátlendismýggjargras).
Myggblom (engelsk namn bog orchid) veks spreidde stader på Dei britiske øyane, vanlegast i Skottland. I den britiske raudlista har arten status som livskraftig (LC). Lokalt er han sårbar (VU) i England og sterkt truga (EN) i Wales. Arten er ikkje nemnd for tiltak i Skottland. I Irland er arten verna gjennom forskrifta Flora (Protection) Order, 2015, og på den irske raudlista har han status som nær truga (NT).
I Estland (estisk namn sookäpp) veks myggblom spreidde stader over heile landet og er rekna som sårbar (VU). I Latvia (latvisk namn purva sūnene) veks arten ganske spreidd og er klassifisert som sjeldan (kategori 3 – samazinās). I Litauen (litauisk namn pelkinė laksva) veks arten no særleg i søraust og i vest. Han er rekna som sterkt truga (EN).
I Benelux er arten (nederlandsk namn veenmosorchis, fransk namn épipactis des marais) i svært sterk tilbakegang i Nederland. Det same gjeld i Belgia, der han no berre har einskilde veksestader både i Flandern og Vallonia. I den nederlandske raudlista er rekna som sårbar (CR, ernstig bedreigd). I Belgia er han òg rekna som kritisk truga både i Flandern (CR, ernstig bedreigd) og i Vallonia (CR, en danger critique). Arten finst ikkje i Luxembourg.
I Tyskland er arten (tysk namn Sumpf-Weichwurz) rekna som sterkt truet (EN, stark gefährdet), i Polen (polsk namn wątlik błotny) veks han nokre få spreidde stader og er her òg rekna som sterkt truga (EN, zagrożony).
Referansar
Bakgrunnsstoff
Kategori:Orkidear i Noreg Kategori:Orkidear i Sverige Kategori:Orkidear i Danmark Kategori:Orkidear i Finland Kategori:Orkidear på Færøyane Kategori:Orkidear i Storbritannia Kategori:Orkidear i Irland Kategori:Orkidear i Estland Kategori:Orkidear i Latvia Kategori:Orkidear i Litauen Kategori:Orkidear i Nederland Kategori:Orkidear i Belgia Kategori:Orkidear i Tyskland Kategori:Orkidear i Polen Kategori:Myggblomslekta