Orchis simia er ei plante i vårmarihandslekta Orchis i orkidéfamilien (marihandfamilien) Orchidaceae. Arten veks ikkje i Noreg.
Utbreiing Arten finst i Europa sør for Danmark, heilt vest i Asia og nordvest i Afrika.
Orchis simia (engelsk namn monkey orchid) veks heilt søraust i Storbritannia, og er verna gjennom den britiske Handlingsplan for biodiversitet. I den britiske raudlista har arten status som sårbar (VU), det same som lokalt i England.
I Benelux veks arten (nederlandsk namn aapjesorchis, fransk namn orchis singe) i Nederland mest i sanddyner på kysten og i Limburg. I Belgia er han svært sjeldan og kan være utgått i Flandern, og han er svært sjeldan i Vallonia. I den nederlandske raudlista er arten rekna som nær truga (NT, gevoelig). I Belgia er han rekna som kritisk truga i Flandern (CR, ernstig bedreigd), men nedgradert i 2026 frå kritisk truga til sterkt truga (EN, en danger) i Vallonia. I Luxembourg er han rekna som regionalt utdøydd (RE). I Tyskland er arten (tysk namn Affen-Knabenkraut) rekna som sterkt truga (EN, stark gefährdet).
Hybridar I England har Orchis simia danna hybridar med johannesnøklar (Orchis militaris × simia, òg kalla Orchis ×beyrichii). Hybriden har vore påvist i Oxfordshire, men foreldreartane finst ikkje lenger i same område. Det har òg vore registrert hybridar med Orchis anthropophora (Orchis anthropophora × simia, òg kalla Orchis ×bergonii) i Kent, og det er rapportert om hybridar med purpurnøklar (Orchis purpurea × simia eller Orchis ×angusticruris).
Referansar
Bakgrunnsstoff
Kategori:Orkidear i Storbritannia Kategori:Orkidear i Nederland Kategori:Orkidear i Belgia Kategori:Orkidear i Luxembourg Kategori:Orkidear i Tyskland Kategori:Vårmarihandslekta