Richard Chelimo () var ein kenyansk langdistanseløpar som vann ein OL-medalje og to VM-medaljar på 10 000 meter. Han var bror til Ismael Kirui.
Chelimo fekk sølvmedaljen på 10 000 m under VM i friidrett 1991, slått i spurten av landsmannen Moses Tanui. Året etter vart Chelimo andremann i milløpet då Sommar-OL 1992 fann stad i spanske Barcelona. I dette løpet meinte publikum Chelimo vart hindra av ein marokkansk løpar, til fordel for marokkanaren Khalid Skah som spurta frå Chelimo på oppløpssida. Skah vart i fyrste omgang diskvalifisert, men tilkjend gullmedaljen dagen etter løpet.
5. juli 1993 sette Chelimo verdsrekord på 10 000 meter i eit stemne på Stockholm stadion. Rekordtida 27.07,9 stod seg i berre fem dagar, etter som landsmannen Yobes Ondieki vart fyrstemann under 27 minutt på mila. Under VM i friidrett 1993 sprang Chelimo inn til bronsemedalje på mila, borti 20 sekund bakom Etiopias Haile Gebrselassie og nemnde Moses Tanui.
Chelimo døydde av ein hjernesvulst, 29 år gammal.
Kjelder
Denne artikkelen bygger på «Richard Chelimo» frå , den 14. juni 2022.
World Athletics
Kategori:Kenyanske langdistanseløparar Kategori:Olympiske sølvmedaljevinnarar for Kenya Kategori:Medaljevinnarar under sommar-OL 1992 Kategori:Kenyanske deltakarar under sommar-OL 1992 Kategori:Friidrettsutøvarar under sommar-OL 1992