José Luíz Barbosa () er ein brasiliansk tidlegare mellomdistanseløpar som spesialiserte seg på 800 meter. Han vann bronsemedaljen i VM 1987 og sølvmedaljen i VM 1991.
Aktiv Barbosa deltok åra 1983-97 på 800 meter i alle seks verdsmeisterskapane og alle fire sommarleikane i perioden. Frå 1987 til 92 høyrde han til den absolutte verdstoppen på distansen. Han vann 800 meter ved innandørs-VM 1987 i Indianapolis på 1.47,49. Under verdsmeisterskapen same året i Roma kom han på tredjeplass, 0,70 sekund bak vinnaren, Kenyas Billy Konchellah. Året etter vart Barbosa sjettemann i OL-finalen i Seoul.
I verdsmeisterskapen 1991 i Tokyo sprang Barbosa inn til sølv, slått med 0,35 sekund av Konchellah. Vel ei veke etter VM-finalen presterte Barbosa livsbeste på distansen då han vann ei tevling i Rieti på tida 1.43,08. Under dei olympiske sommarleikane i Barcelona vart han nummer 4 på 800 m, sidan klarte han ikkje nå finalen i VM eller OL.
Medaljar og plasseringar i internasjonale meisterskap VM 1983 i Helsinki: Utslått i semifinalane (1.48,05=nr 18) OL 1984 i Los Angeles: Utslått i semifinalane (1.48,70=nr 15) VM 1987 i Roma: Bronsemedalje – 1.43,76 OL 1988 i Seoul: Nr 6 – 1.46,39 VM 1991 i Tokyo: Sølvmedalje – 1.44,24, bakom Billy Konchellah (1.43,89) OL 1992 i Barcelona: Nr 4 – 1.45,06 VM 1993 i Stuttgart: Utslått i semifinalane (1.45,92=nr 15) VM 1995 i Göteborg: Utslått i kvalifiseringa (1.47,10=nr 21) OL 1996 i Atlanta: Utslått i semifinalane (1.30,33=nr 24) VM 1997 i Aten: Utslått i kvartfinalane (1.47,30=nr 25)
Kjelder
Denne artikkelen bygger på «José Luíz Barbosa» frå , den 1. juli 2022.
World Athletics
Kategori:Brasilianske friidrettsutøvarar Kategori:Mellomdistanseløparar Kategori:Brasilianske deltakarar under sommar-OL 1984 Kategori:Friidrettsutøvarar under sommar-OL 1984 Kategori:Brasilianske deltakarar under sommar-OL 1988 Kategori:Friidrettsutøvarar under sommar-OL 1988 Kategori:Brasilianske deltakarar under sommar-OL 1992 Kategori:Friidrettsutøvarar under sommar-OL 1992 Kategori:Brasilianske deltakarar under sommar-OL 1996 Kategori:Friidrettsutøvarar under sommar-OL 1996