Manchar-vatnet eller Manchar-sjøen (sindi , urdu , også skrive Manchchar) er eit vatn i Sind i Pakistan. Det er ein naturleg innsjø med sumpaktig ferskvatn som varierer mykje i storleik med årstidene, frå 36 km² i tørketida til 500 km² eller meir i regntida. I regntida er han den største innsjøen i Pakistan og ein av dei største ferskvassjøane i Asia.
Mancharsjøen ligg vest for elva Indus, i Jamshoro og Dadu distrikt, 18 km unna Sehwan Sharif. Gjennomsnittsdjupna i sjøen er berre 2,5 til 3,75 meter. Sjøen får vasstilførsle frå fleire bekkar i Kirtharfjella og via kanalar. Han er knytt til Indus via to kanalar, Aral og Danister, og til Hamal-sjøen via Main Nara Valley Drain (MNVD). Han ligg 6 meter lågare enn elveleiet til Indus, og tek av og til imot flaumvatn frå elva. Om vinteren, når vasstanden i elva er låg, renn vatn frå sjøen til Indus.
Under ei tørke i 1958 tørka Manchar-sjøen heilt opp. Under flaumane i Pakistan i 2010 fløymde sjøen over. Under flaumane i 2022 gjorde ein hol i ein voll ved sjøen for å sleppe ut vatn for å unngå brest på demningar og flaum på meir folkesette stader.
Kjelder
Bakgrunnsstoff
Kategori:Vatn i Pakistan