«Brividi» (norsk omsetjing 'frysingar') er ein italiensk popballade frå 2022. Songen vert framført av songarane Mahmood og Blanco. Dei skreiv songen saman med musikkprodusenten Michele Zocca, kjend under kunstnernamnet «Michelangelo». Songen vann Sanremo-festivalen 2022 og var det italienske bidraget i Eurovision Song Contest 2022 på heimebane i Torino.
Om songen «Brividi» vart gjeven ut av Island og Universal 2. februar 2022, i samband med deltakinga i Sanremo-festivalen, den største musikktevlinga i Italia. Songen er skriven av songarane Mahmood og Blanco saman med musikkprodusenten Michele «Michelangelo» Zocca. Songen vekte oppsikt sidan songen var den fyrste i historia til Sanremo-festivalen å ta opp homofil kjærleik.
«Brividi» vart strøyma 3,3 millioner gongar det første døgnet etter utgjevinga, og sette strøymerekord for Spotify i Italia. Låten gjekk også rett til topps på den italienske singellista etter berre tre dagar. Laurdag 5. februar vann songen Sanremo-festivalen og vart med det det italienske bidraget i Eurovision Song Contest 2022 på heimebane i Torino. Songen har italiensk tekst. I finalen av Eurovision Song Contest enda «Brividi» på sjetteplass, det beste resultatet for ein vertsnasjon sidan 2016.
Musikkvideo Musikkvideoen til «Brividi» er regissert av Attilio Cusani og vart spela inn i Amsterdam. Videoen vart gjeven ut 2. februar 2022 via YouTube-kanalen til Mahmood.
Opphavspersonar Henta frå Tidal:
Michele Zocca («Michelangelo») – produsent, komponist Mahmood – utøvar, komponist, tekstforfattar, vokal Blanco – utøvar, komponist tekstforfattar, vokal
Listeplasseringar Liste (2022)Høgasteplassering Euro Digital Songs (Billboard)1Global 200 (Billboard)15 Island (Tónlistinn)21 Israel (Media Forest)4 Italia (FIMI)1 Kroatia (HRT)21 Litauen (AGATA)3 Luxembourg Songs (Billboard)11 Nederland (Single Tip)24 San Marino (Radio San Marino RTV)2 Spania (PROMUSICAE)95 Sveits (Schweizer Hitparade)1
Kjelder
Denne artikkelen bygger på «Brividi» frå , den 6. desember 2022.
Kategori:Italienske Eurovision Song Contest-songar Kategori:Eurovision Song Contest 2022-songar Kategori:Italienskspråklege Eurovision Song Contest-songar Kategori:Festival della Canzone Italiana di Sanremo-songar