Arianrhod Engebø () er ein norsk journalist, radioprofil og programleiar. Ho vart kåra til «årets unge radioprofil» under Radiodagene 2019 og har sidan januar 2020 vore fast tilsett i NRK P3. Ho var programleiar for Melodi Grand Prix 2023 saman med Stian «Staysman» Thorbjørnsen.
Bakgrunn Engebø har ei mor frå Wales og ein far frå Bergen. Namnet hennar er walisisk, og Engebø snakkar også walisisk. Ho vaks opp i Førde i Sunnfjord, og etter videregåande tok ho ein bachelorgrad i journalistikk ved Cardiff University. Ho var nynorskpraktikant i NRK i 2017–2018. Ho byrja deretter som praktikant i NRK P3 på Tyholt i Trondheim og fekk sitt eige radioprogram, Arian, i 2019. Same år vart ho kåra til «årets unge radioprofil» under dei årlege Radiodagane. Ho vart fast tilsett i NRK P3 i januar 2020.
Sidan har Engebø leia fleire store radio- og tv-show. Ho har mellom anna leia programmet StudioP3, og i 2022 var ho programleiar for VG-lista Rådhusplassen saman med Nathan «Nate» Kahungu. Engebø leia P3aksjonen i samband med TV-aksjonen 2022, og Melodi Grand Prix 2023 saman med Stian «Staysman» Thorbjørnsen.
Kjelder
Denne artikkelen bygger på «Arian Engebø» frå , den 2. mars 2023.
Kategori:Programleiarar for NRK Kategori:Norske journalistar Kategori:Melodi Grand Prix-programleiarar Kategori:Folk frå Sunnfjord Kategori:Folk frå Førde