høgre|mini|Lobbyen til hovudentreen, innsida av Michael Lee-Chin Crystal, med montert replikaskjelett av ein Futalognkosaurus. Royal Ontario Museum er eit museum for kunst, naturhistorie og verdskultur i Toronto i Ontario i Canada. Det er eit av dei største musea i Nord-Amerika og er det mest besøkte museet i Canada med over ein million besøkande kvart år.
I samlingane finst det over 13 millionar gjenstandar. Utstillingsytene i museet er på 23 500 kvadratmeter.
Bakgrunn Museet blei skipa i 1912 gjennom ei avgjerd i den lovgjevande forsamlinga i Ontario. Det blei innvigd 19. mars 1914 av generalguvernøren av Canada, prins Arthur, hertug av Connaught og Strathearn. Fram till 1955 var det fem separate museum for arkeologi, geologi, mineralogi, paleontologi og zoologi under same tak, som så blei slått saman til ein institusjon. Museet ligg i nærleiken av hovudcampusen til University of Toronto, og var fram til 1968 delvis ein del av lærestaden. Det blei så eit eige organ under provinsstyret i Ontario.
I 2007 blei museet nyinnvigd av generalguvernør Michaëlle Jean med ein ny inngang, Michael Lee-Chin Crystal, teikna av Daniel Libeskind.
Samlingar Royal Ontario Museum har over 13 millionar gjenstandar frå ei rekkje ulike emneområde. Den naturhistoriske samlinga har milliontals gjenstandar. Museet har mellom anna verdas største samling av fossil frå Burgesskifferen i British Columbia med oppimot 150 000 gjenstandar berre i denne samlinga. Verdskultursamlinga har over ein million gjenstandar frå heile verda.
Referansar
Denne artikkelen bygger på «Royal Ontario Museum» frå , den 19. april 2023.
Bakgrunnsstoff
Kategori:Museum skipa i 1914 Kategori:Toronto Kategori:Museum i Canada