Konstantínos Alexándrou Karamanlís, i daglegtale Kóstas Karamanlís () er ein gresk politikar, og var statsminister i Hellas frå 10. mars 2004 til 6. oktober 2009. Han leia det konservative partiet Nea Dimokratia (Nytt demokrati) frå 1997 til 2009. Partiet hans fekk 45,4 % av røystene i parlamentsvalet 7. mars 2004, og reint fleirtal i parlamentet med 165 av 300 plassar. Ved valet 16. september 2007 fekk Karamanlis sitt parti på nytt fleirtal, men mindre enn før, med 41,8 % av røystene og 152 plassar i parlamentet, og Karamanlis heldt fram som statsminister.
Kategori:Greske statsministrar Kategori:Folk frå Aten