Valmuefamilien (Papaveraceae) er ein plantefamilie i ordenen Ranunculales. Han omfattar ca. 200 artar fordelte på 23 planteslekter. Valmueslekta (Papaver) er den absolutt mest utbreidde med ca. 100 artar. Mange artar i familien blir dyrka som hageblomar.
Plantane har omfattande karsystem, og nesten alle artane produserer ein kvit mjølkeaktig, oransje eller gul lateks (plantesaft). Frå opiumsvalmuen (Papaver somniferum) kan ein vinna ut rusmiddelet opium. Blada til plantane er ofte enkle og motstilte. Blomane er ofte opne, lett klokkeforma og har mange frøberarar. Frøa er ofte innsette i kapslar. Nokre artar har ei piggete frukt.
Slekter (genus)
Arctomecon – Mojaveørkenen, USA Piggvalmueslekta (Argemone) – Amerika, Hawaii Bocconia Canbya – vestre Nord-Amerika Chelidonium – 1 art, svaleurt (Chelidonium majus) i tempererte strøk i den gamle verda, forvilla i Nord-Amerika Dendromecon – California, nordvestre Mexico Dicranostigma – Himalaya, Kina Eomecon – Kina, 1 art Californiavalmueslekta (Eschscholzia) – California Hornvalmueslekta (Glaucium) – Europa, Afrika, Asia Hunnemannia – Mexico, 1 art Hylomecon – Mandsjuria, Korea, Japan, 1 art Macleaya Meconella Valmuesysterslekta (Meconopsis) – Europa, Himalaya Valmueslekta (Papaver) – Nord-Amerika, Europa, Afrika, Asia Platystemon – California, 1 art Platystigma – 1 art Døgnvalmueslekta (Roemeria) Romneya – California, nordvestre Mexico Sanguinaria – austre Nord-Amerika, 1 art Stylomecon – California, nordvestre Mexico, 1 art Stylophorum – Kina, austre Nord-Amerika
Kjelder
Denne artikkelen bygger på «Valmuefamilien» frå , den 15. mai 2023.
Bakgrunnsstoff
Kategori:Valmuefamilien